پاکستانی ڈراما انڈسٹری کی سینئر اداکارہ بشریٰ انصاری نے حالیہ ویڈیو سے اپنے اندر کی فیمنسٹ کو جگاڈالا۔

مزاحیہ انداز گفتگو، اور شوخ مزاجی سے مشہور بشریٰ انصاری شوبز انڈسٹری کی آئیکونک شخصیت مانی جاتی ہیں، انہوں نے اپنے کردار اور اپنی شخصیت پر کبھی کوئی سمجھوتا نہیں کیا، وہ جس بھی کردار میں منظرعام پر آجائیں ہر بار فینز کے دلوں میں جگہ بنانے میں کامیاب ہوجاتی ہیں۔

ہانیہ کے ٹیلنٹ سے ڈر گئے؟ بشریٰ انصاری کا بھارتیوں سے سوال

انہوں نے اپنے ویلاگ میں جاوید اختر اور نردیندر مودی کو بھی نہ چھوڑا

اداکاری کے علاوہ بشریٰ انصاری سوشل میڈیا پر بھی خاصا متحرک رہتی ہیں ، یوٹیوب کی بات کریں تو ویلاگنگ کے ذریعے وہ اپنے مداحوں سے ہر لمحہ جڑی رہتی ہیں جبکہ دیگر پلیٹ فارمز جیسے انسٹاگرام پربھی مزے مزے کی ویڈیو کلپس شیئر کرکے تعریفیں اکھٹی کرتی نظر آتی ہیں۔

حال ہی میں بشریٰ انصاری نے فوٹو اینڈ ویڈیو شیئرنگ ایپ انسٹاگرام پر  ویڈیو شیئر کی جس انہیں ماضی کے یادگار گانے گاتے دیکھا گیا اور پھر انہیں گانوں کے بول پر انہیں ایک بڑی حقیقت کا احساس ہوگیا۔

’تڑپا لو’، ’آزما لو’، ’میں تیری داسی’، ’تو میری عبادت’ جیسے گانوں کی مثال دیتے ہوئے بشریٰ انصاری نے کہا کہ،‘ان کے زمانے کے تقریباً تمام گانے عورت کو یہ سکھا رہے تھے کہ وہ اپنے مرد کو خوش کرنے کے لیے خود کو تکلیف میں ڈال دے۔

اور پھر گانا ’سجنا ہے مجھے سجنا کیلئے’ کی مثال دیتے ہوئے یہ بھی کہا کہ لڑکیوں کو اپنے لیے جینا چاہیے، خود کے لیے سنورنا چاہیے، اور سب کو خوش کرنے کی کوشش نہیں کرنی چاہیے۔

ان گانوں کا حوالہ دیتے ہوئے بشریٰ انصاری کا کہنا تھا کہ،‘نہیں اب مزید ایسا نہیں ہوگا، کیونکہ انہیں گانوں نے ہماری نئی نسل کو برباد کرکے رکھ دیا ہے۔

اس ویڈیو کے ذریعے بشریٰ انصاری کا عمدہ انداز میں پیغام دینا سوشل میڈیا صارفین کو خوب بھارہا ہے،ایک صارف نے اداکارہ کی تعریف کرتے ہوئے لکھا کہ،آپ کا یہ مشورہ بہت شکریہ کے قابل ہے۔’

ایک اور صارف نے لکھا کہ،‘ہاہاہا! جی بلکل درست کہا۔ آپ بالکل صحیح ہیں!’۔

جبکہ دیگر صارفین بھی بشریٰ انصاری کے نظریے سے متفق نظر آئے۔