پاکستانی اداکارہ، سوشل میڈیا انفلوئنسر، وائس اوور آرٹسٹ اور کوریوگرافر ریحام رفیق ایک بار پھر اپنی حالیہ ویڈیو کے باعث تنقید کی ذد میں آگئیں۔

ویسے تو ریحام رفیق نے کریئر کا آغاز فوٹو اینڈ ویڈیو شیئرنگ ایپ انسٹاگرام پر بنائے گئے پیج سے کیا جس کے بعد انہیں پاکستانی ڈراموں میں اداکاری کرنے کا موقع ملا۔

انہوں نے 2021 میں معروف ہدایتکار نبیل قریشی کی ہدایتکاری میں بننے والی فلم 'کھیل کھیل میں' سے ایکٹنگ ڈیبیو دیا جس کے بعد وہ متعدد ڈراموں بشمول 'جھوم' ،کفارہ' ، 'جڑواں'  میں اداکاری کے جوہر بکھیرتی نظر آئیں۔ اور اب ان دنوں وہ ڈراما سیریل 'پرورش’ میں امل کے کردار سے خود داد وصول کررہی ہیں۔

جواں نظر آنے والی ریحام رفیق کی اصل عمر نے فینز کو چونکا دیا

اداکارہ کی عمر آخر ہے کیا؟

لیکن بات صرف اداکاری تک ہی محدود نہیں ہے بلکہ وہ ایک متحرک ڈیجیٹل کریئیٹر بھی ہیں اور ٹک ٹاک پر ٹرینڈنگ ویڈیوز بناتی ہیں جو کبھی انکے فینز کو خوب بھاتی ہیں تو کبھی دل جیتنے میں ناکام نظر آتی ہیں۔

حال ہی میں ریحام رفیق نے فوٹو اینڈ ویڈیو شیئرنگ ایپ انسٹاگرام اور ٹک ٹاک اکاؤنٹ پر ویڈیو شیئر کی جس میں وہ بالی وڈ گانے ’برسو رے’  پر دلکش ڈانس مورز سے خوب رونق لگائے ہوئی ہیں۔

سیاہ شرٹ اور ٹراؤزر میں ملبوس گلے میں لاکٹ چین پہنے ریحام کو نہ صرف اس لمحے جوش سے بھرپور دیکھا گیا بلکہ انکے غیر معمولی چہرے کے تاثرات ہر دیکھنے والوں کو دنگ کرگئے۔

کیونکہ آئیکونگ سانگ پر عجیب و غریب چہرے کے تاثرات دینا فینز کو کچھ خاص پسند نہ آیا، ویڈیو وائرل ہونے کے بعد سوشل میڈیا صارفین کی جانب سے سخت ردِعمل سامنے آیا۔ ایک صارف نے تبصرہ کیا کہ 'ڈانس کر رہی ہو تو کرو یہ اس قسم کے بیہودہ چہرے بنانے کی کہا ضرورت ہے۔'

ایک اور صارف نے لکھا کہ،‘ہم سب کچھ برداشت کر سکتے ہیں لیکن ان کے چہرے کے تاثرات برداشت سے باہر ہیں۔’

ایک اور صارف کا کہنا تھا کہ،’یہ ڈانس کرتے ہوئے اتنے عجیب چہرے کیوں بناتی ہیں؟اس گانے کے لیے نرم تاثرات درکار تھے۔’

ریحام رفیق کو ’ڈوریمون’ کا وائس اوور کرنا مہنگا پڑگیا

ریحام رفیق کے ٹیلنٹ پر تنقید کی برسات

اور مداح نے یہاں تک لکھ دیا کہ،’پہلے تو ان کے اپنے گھر والے شوبز میں آنے نہیں دیتے، پھر جب مان جاتے ہیں تو اتنی سپورٹ کرتے ہیں کہ معاشرے کو روکنا پڑتا ہے۔’

یاد رہے کہ ریحام رفیق پاکستان کی معروف گلوکارہ نمرہ رفیق کی چھوٹی بہن ہیں اور کچھ ماہ قبل شکیب خان سے نجی خاندانی تقریب میں شادی کر چکی ہیں۔