پاکستانی شوبز انڈسٹری کی سابقہ اداکارہ اور اینکر پرسن عظمیٰ طاہر کو آن ڈیوٹی نامناسب انداز میں ایک شخص کو تسلی دینا تنقید کی ذد میں لے آیا۔

بے باک انداز اور صاف گوئی سے مشہور عظمیٰ طاہر کا شمار ان شخصیات میں کیا جاتا ہے جو مظلوموں کے لیے آواز بلند کرتی ہیں، وہ اپنے کرئیر میں بطور صحافی اور اینکر پرسن نجی چینلز سے وابستہ رہی ہیں، جبکہ جرائم پر مبنی مشہور پروگرامز ’پردہ فاش’ اور ’خفیہ’ کے ذریعے جرات مندانہ انداز میں سنجیدہ اور حساس کیسز سامنے لاتی رہی ہیں۔

یہی وجہ ہے کہ کئی لوگ انہیں انکی بہادری کے سبب پسند کرتے ہیں، تاہم حال ہی میں انکی ایک ایسی ویڈیو وائرل ہوئی جو انہیں شدید تنقید کی ذد میں لے آئی۔

روچی گجر کا پروڈیوسر پر چپل سے حملہ، مقدمہ درج

اداکارہ نے پیسے نہ دینے پر پروڈیوسر کو چپل دے ماری

سوشل میڈیا پر وائرل ویڈیو میں عظمیٰ طاہر ڈیوٹی پر مامور ہیں اور ایک ایسے شخص کو دلاسا دے رہی ہیں جس کی 16 سالہ بیٹی کو تشدد کر کے قتل کر دیا گیا تھا۔

تاہم اس حساس نوعیت کے کیس میں علاقہ مکینوں کی موجودگی میں عظمیٰ کا قتل ہونے والی بیٹی کے دل ٹوٹے باپ اور بھائی کو تسلی دینا دیکھنے والوں کو ناگوار گزرا۔

سوشل میڈیا پر وائرل ویڈیو میں عظمیٰ طاہر متاثرہ والد کے بہت زیادہ قریب کھڑی نظر آئیں، جو کہ دیکھنے والوں کے لیے کافی عجیب اور ناگوار محسوس ہوا۔ ویڈیو میں وہ باپ کو کہتی سنائی دے رہی ہیں کہ ’اللہ پر یقین رکھیں اور انصاف کے لیے آواز بلند کریں‘، لیکن ان کا انداز بہت غیر مناسب محسوس ہوا۔

بار بار ہاتھ پکڑنا، چہرے اور کاندھے پر ہاتھ پھیرنا اور نامناسب انداز میں چھونا یہ سب صارفین کو ایک آنکھ نہ بھایا اور کمنٹ سیکشن میں سخت ردعمل کا اظہار کردیا۔

ایک صارف نے لکھاکہ،‘آپ اتنا قریب کیوں کھڑی ہیں؟ وہ شخص واضح طور پر غیر آرام دہ محسوس کر رہا ہے۔’

ایک اور صارف کا کہنا تھا کہ،‘یہ بھی ایک قسم کی ہراسانی ہے۔’

غصے میں بھرے ایک اور صارف نے سوال کیا کہ،‘آپ اس کا ہاتھ کیوں پکڑ رہی ہیں؟’

ایک اور نے طنز کرتے ہوئے لکھا کہ،‘سمجھانے کا طریقہ تھوڑا کیژول ہے’۔

ایک اور صارف نے لکھا کہ،‘باجی یہ بات آپ تھوڑا فاصلے سے بھی سمجھا سکتی تھیں۔