بالی وڈ کے سُپر اسٹار عامر خان نے حال ہی میں ریلیز ہونے والی رومانوی فلم 'سیارا' کی زبردست مقبولیت کی وجہ بتادی۔

عامر خان ممبئی میں اپنی نئی فلم 'ستارے زمین پر' کے ایک پروموشنل ایونٹ میں میڈیا سے گفتگو کر رہے تھے، جہاں انہوں نے 'سیارا' کی کامیابی کو خوش آئند قرار دیا۔

'سیارا' رواں سال کی دوسری بڑی بلاک بسٹر فلم بن گئی

حال ہی میں ریلیز ہونے والی بالی وڈ فلم ایک کے بعد ایک ریکارڈ اپنے نام کرتی جارہی ہے

انہوں نے کہا کہ میرا ماننا ہے کہ ہر نسل کا ایک الگ ذوق ہوتا ہے، اور وہ اس مواد کی طرف مائل ہوتی ہے جو ان کے مزاج کے مطابق ہو، آج کی نوجوان نسل سیارا کو پسند کر رہی ہے، جو کہ ایک بڑی ہٹ فلم بن چکی ہے، بطور تخلیق کار میری خواہش ہے کہ میں ہر قسم کی فلم بنا سکوں، چاہے وہ جنریشن زی کے لیے ہو، یا کسی اور طبقے کے لیے'۔

'سیارا' کی کامیابی پر تبصرہ کرتے ہوئے عامر خان نے کہا کہ نوجوان نسل کا رجحان مختلف اور تازہ موضوعات کی طرف ہے، اور یہی وجہ ہے کہ 'سیارا' نے جنریشن زی کے دل جیت لیے ہیں۔

انہوں نے مزید کہا کہ میں مختلف موضوعات پر کام کرنا چاہتا ہوں، اور ہر موضوع پر کام کرنے کی آزادی مجھے بہت حوصلہ دیتی ہے۔

'سیارا' کے گلوکار فہیم عبداللہ پر قسمت مہربان ہوگئی

فہیم عبداللہ کا گایا گیا یہ ٹائٹل سانگ اِس وقت دنیا بھر میں دھوم مچا رہا ہے

قبل ازیں عامر خان کی پروڈکشن کمپنی نے 'سیارا' کی شاندار تھیٹرک کامیابی پر ٹیم کو مبارکباد دی۔

اُن کے پروڈکشن ہاؤس کی جانب سے جاری بیان میں کہا گیا کہ 'سیارا' کی تھیٹر میں شاندار کامیابی پر پوری ٹیم کو مبارک ہو، آہان پنڈے اور انیت پڈا نے اپنی پہلی فلم میں غیرمعمولی اداکاری اور نفاست سے کام کیا ہے، موہت سوری نے حسب روایت فلم میں جذبات کی شدت اور فنی مہارت کا رنگ بھرا ہے، اور یش راج فلمز کی تعریف کرنی ہوگی کہ انہوں نے اس شاندار فلم کو پروڈیوس کیا'۔

واضح رہے کہ فلم 'سیارا' اِن دنوں نوجوانوں میں مقبولیت کی نئی بلندیوں کو چھو رہی ہے۔

سیارا کی تعریف پر ٹرول کا کمنٹ، کرن جوہر آپے سے باہر

کرن جوہر نے ٹرول کو ترکی بہ ترکی جواب دے ڈالا

فلم کی رومانوی تھیم، دل کو چھو لینے والے گانے اور تازہ چہروں نے نہ صرف شائقین بلکہ ناقدین سے بھی داد سمیٹی ہے، آہان پنڈے اور انیت پڈا کی جوڑی کو خاص طور پر سراہا جا رہا ہے۔

دوسری جانب عامر خان نے یہ خوشخبری بھی دی کہ ان کی فلم 'ستارے زمین پر' یکم اگست 2025 کو انکے یوٹیوب چینل پر عالمی سطح پر ریلیز کی جائے گی۔

بھارت میں فلم کی قیمت 100 روپے رکھی گئی ہے جبکہ عالمی مارکیٹس میں یہ فلم مقامی قیمتوں کے مطابق یوٹیوب پر دستیاب ہو گی۔