آشوتوش گواریکر کی ہدایت کاری میں بننے والی شہرہ آفاق فلم 'سوادیس' کو ریلیز ہوئے 20 سال بیت چکے ہیں، مگر یہ فلم آج بھی مداحوں کے دلوں پر راج کر رہی ہے۔

سودیس کی شوٹنگ میں حادثہ، شاہ رخ خان نے ساتھی اداکار کو کیسے بچایا؟

شاہ رخ خان صرف کنگ خان نہیں بلکہ بالی وڈ کے سب سے بڑے جینٹلمین بھی ہیں

حالیہ دنوں میں اس فلم کی شوٹنگ کے دوران لی گئی کچھ نایاب بیہائنڈ دی سینز (BTS) تصاویر منظر عام پر آئیں، جنہوں نے مداحوں کو اپنے سحر میں جکڑ لیا۔

انسٹاگرام پر شیئر کی گئی ان تصاویر میں فلم کے مرکزی اداکار شاہ رخ خان، ہدایت کار آشو توش گواریکر، پروڈیوسر پیٹر راولی اور اداکار راہول ووهرا کو مختلف مناظر میں دیکھا جا سکتا ہے۔

ایک تصویر میں یہ ٹیم ایک ایسی دیوار کے سامنے کھڑی ہے جس پر خلائی جہاز کی تصویر بنی ہوئی ہے، جو فلم کے ناسا سے تعلق کو ظاہر کرتی ہے۔

دیگر تصاویر میں سیٹ پر کچھ Candid لمحات، سنجیدہ سینز کی جھلکیاں اور کھلے میدان میں عملے کے ساتھ شوٹنگ کے مناظر دیکھے جاسکتے ہیں۔

وہ 7 بلاک بسٹر فلمیں جو عامر خان ٹھکرا کر پچھتائے

عامر کے انکار کے بعد شاہ رخ اور سلمان نے وہ فلمیں امر کردیں۔

مداحوں نے ان تصاویر پر محبت بھری تبصروں کی بھرمار کر دی، کسی نے فلم کو 'ماسٹر پیس' قرار دیا تو کسی نے اسے 'کلٹ کلاسک' کا درجہ دیا۔

کئی صارفین نے فلم کو دوبارہ سینما گھروں میں ریلیز کرنے کی خواہش کا اظہار بھی کیا، ایک صارف نے لکھا کہ 'یہ میری آل ٹائم فیورٹ مووی ہے، کیونکہ اس میں انڈین کلچر کو خوبصورتی سے دکھایا گیا ہے'۔

یاد رہے کہ سال2004 میں ریلیز ہونے والی فلم 'سوادیس' ناسا کے ایک سائنسدان موہن بھاگرو (شاہ رخ خان) کی کہانی ہے جو اپنے ماضی کی تلاش میں بھارت واپس آتا ہے۔

شاہ رخ خان چاہ کر بھی یہ سپر ہٹ فلمیں کیوں نہ کرسکے؟

بھارتی اداکار شاہ رخ خان نے بالی وڈ کی دو سپر ہٹ فلموں کیلئے حامی بھرنے کے باوجود...

اس کا سفر اسے ایک گاؤں تک لے جاتا ہے جہاں وہ اپنی بچپن کی آیا سے ملتا ہے اور ایک اسکول کی استانی (گائتری جوشی) کے حوصلے اور عزم سے متاثر ہوتا ہے جسکے بعد وہ مقامی آبادی کی فلاح و بہبود میں خود کو وقف کردیتا ہے۔

اگرچہ ریلیز کے وقت فلم باکس آفس پر کوئی خاص کامیابی حاصل نہ کر سکی، لیکن وقت کے ساتھ ساتھ یہ ایک بڑی 'فین بیس' بنانے میں کامیاب رہی۔

فلم کی کہانی، اے آر رحمان کی دل چھو لینے والی موسیقی اور شاہ رخ خان کی متاثر کن اداکاری آج بھی ناظرین کو اپنے سحر میں جکڑ لیتی ہے۔