پاکستانی ڈراما انڈسٹری کی اداکارہ عروہ حسین کے ایک بار پھر امید سے ہونے کا شور اٹھ گیا۔

اداکارہ عروہ حسین اور فرحان سعید کی جوڑی وہ خوش نصیب جوڑی ہے جس نے شادی کے بعد حالانکہ ایک دوسرے سے دوری اختیار کرلی تھی لیکن انکی محبت نے انہیں ایک دوسرے سے زیادہ عرصے دور نہ رہنے دیا اور طلاق کے بجائے دونوں نے صلح کو ترجیح دی۔

اس دوران جوڑے نے اپنے فینز کو دوہری خوشخبری سنائی، ایک خوشخبری دونوں کے ملاپ کی صورت میں اور دوسری بیٹی کی پیدائش کی صورت میں۔سال 2016 میں شادی کے بندھن میں بندھنے والے گلوکار فرحان سعید اور عروہ حسین کے ہاں 3 جنوری 2024 کو بیٹی کی پیدائش ہوئی جسکا نام انہوں نے جہاں آراء رکھا۔

عروہ حسین کا فرحان کی سالگرہ پر رومانوی نوٹ توجہ کا مرکز

اداکارہ نے اپنے فون کی سب سے پسندیدہ تصویر شیئر کردی

بس پھر کیا تھا بیٹی کی پیدائش کے بعد سے یہ جوڑا سب کی نظروں میں مزید معتبر ہوگیا اور ان سے محبت کرنے والوں کی تعداد میں بھی چار چاند لگنے لگے۔

جبکہ عروہ نے بھی خود کو فینز کیساتھ جوڑنے کیلئے سوشل میڈیا پر ایکٹیو رہنے کو زیادہ ترجیح دینا شروع کردی جہاں وہ آئے دن کبھی فیملی فوٹوز تو کبھی اپنے فیشن کو لے کر تعریفوں کا محور بنی نظر آتی ہیں۔

لیکن اس بار کچھ ایسا دیکھنے کو ملا جو انکے دوسرے حمل کی قیاس آرائیوں کو جنم دے گیا۔ سوشل میڈیا پر عروہ حسین کا ایک کلپ تیزی سے وائرل ہورہا ہے جس میں انہیں فینسی جوڑے اور دلکش جیولری میں ملبوس کیمرے کے سامنے ادائیں دکھاتے اور حسن کی نمائش کرتے دیکھا گیا۔

ایسے میں بھلا عقاب جیسی نظریں رکھنے والے صارفین کیسے نہ انکے ہر موومنٹ کو ذہن نشین کرتے؟

عروہ حسین اور فرحان سعید کے ہاں ’ننھی پری’ کی آمد

ننھی پری کا کیا نام رکھا؟

عروہ حسین کی ویڈیو منظرعام پر آنے کی دیر تھی کہ انکے بیبی بمپ کو دیکھتے ہوئے سوشل میڈیا صارفین نے یہ قیاس کرنا شروع کردیا کہ عروہ حسین امید سے ہیں اور فرحان سعید کیساتھ اپنے دوسری بچے کی توقع کررہی ہیں۔

کئی صارفین کے تبصرے بھی سامنے آئے جنہیں بھی عروہ کو دیکھ کر انکے حاملہ ہونے کا شک ہونے لگا۔

تاہم ان افواہوں اور قیاس آرائیوں میں کتنی صداقت ہے اس پر اداکارہ کی جانب سے تاحال کوئی تصدیق یا تردید نہیں کی گئی ہے۔