پاکستان اور بھارت میں یکساں مقبولیت کی حامل صبا قمر کو نئے پراجیکٹ کی شوٹنگ کے دوران طبیعت کی ناسازی کے باعث اسپتال منتقل کردیا گیا۔

صبا قمر ان دنوں ایک ساتھ دو میگا پراجیکٹ پر کام کررہی ہیں جس میں سے ایک اینکر پرسن شاہزیب خانزادہ کا تحریر کردہ ’کیس نمبر 9’ اور دوسرا ’پامال’ ہے۔

اور انہیں پراجیکٹس کی شوٹنگ کی جھلکیاں وہ لمحہ بہ لمحہ اپنے فینز کیساتھ بھی شیئر کرتی نظر آتی ہیں جو انکے فینز کو خوب بھاتی ہیں۔

صبا قمر کے ’مری’ میں پُرسکون لمحات

اداکارہ کو موسم کا مزہ لیتے دیکھا جاسکتا ہے

تاہم انکی حالیہ اسٹوری نے مداحوں کو تشویش میں مبتلا کردیا، کیونکہ اس مرتبہ انہیں اسٹوری میں کسی ڈراما سیٹ پر نہیں بلکہ اسپتال میں دیکھاگیا۔

فوٹو اینڈ ویڈیو شیئرنگ ایپ انسٹاگرام پر صبا قمر نے اسٹوری اپڈیٹ کی جس میں وہ بستر پر موجود ہیں اور سیلفی میں مسکراتے ہوئے اپنے ساتھیوں کو دکھا رہی ہیں۔

اس سیلفی کیساتھ صبا قمر نے اپنی ہیلتھ اپڈیٹ فراہم کرتے ہوئے انسٹاگرام پر اپنی ٹیم اور نرسنگ اسٹاف کے ساتھ ایک تصویر شیئر کی اور اپنے تمام مداحوں کا شکریہ ادا کیا جنہوں نے ان کے لیے دعائیں اور نیک تمنائیں بھیجیں۔

ایسا لگتا ہے کہ زیادہ کام اور تھکن نے صبا قمر کی صحت کو بری طرح متاثر کیا، جس کے باعث انہیں راولپنڈی کے ایک اسپتال میں فوری طور پر منتقل کیا گیا۔

بتایا جارہا ہے کہ ڈرامے کے سیٹ پر کام کرتے ہوئے صبا قمر کی طبیعت اچانک بگڑ گئی تھی  جس پر فوری طور پر انہیں اسپتال لے جایا گیا جہاں انہیں آئی سی یو میں داخل کیا گیا۔ ڈاکٹروں نے بروقت طبی امداد فراہم کی، جس سے ان کی حالت سنبھل گئی اور اب وہ اسپتال سے ڈسچارج ہو چکی ہیں۔

قریبی ذرائع کے مطابق صبا قمر مکمل طور پر تھکن کا شکار تھیں اور انہی وجوہات کی بنا پر ان کی حالت خراب ہوئی۔

دوسری جانب لاکھوں مداح اداکارہ کی صحت کیلئے دعاگو ہیں اور کمنٹ سیکشن میں انکے لیے دعائیں کرتے نہیں تھک رہے۔