پاکستانی ڈراما انڈسٹری کی رائزنگ اسٹار ایمان خان کیساتھ نظر آنے والے شخص نے انٹرنیٹ صارفین کو کشمکش میں مبتلا کردیا۔

ڈراما سیریل ’دمسہ’ میں اپنے کردار دمسہ سے لاکھوں دلوں کو جیتنے والی ایمان خان اپنی بہن و اداکارہ لائبہ کی طرح کی انڈسٹری میں خاصی سرگرم ہیں۔

ایمان  نے اپنے مختصر سے کرئیر میں  کئی ڈراموں میں کام کیا ہے، جن میں ’کچھ ان کہی’ سمیت کئی دیگر نام شامل ہیں جبکہ انہیں اب ڈراموں سے زیادہ سوشل میڈیا پر ایکٹو دیکھا جاتا ہے جہاں وہ اپنی دلچسپ پوسٹس اور ریلز کے سبب تعریفوں کا محور بنی رہتی ہیں۔

لائبہ اور ایمان خان کی ‘جیتو پاکستان‘ میں پرانی ویڈیو وائرل

لائبہ خان کی عمر تقریباً نو سال تھی اور ایمان خان اس سے بھی کم عمر تھیں

تاہم اب ایسا لگتا ہے کہ ایمان خان نے کم عمر میں ہی زندگی کے نئے باب کا آغاز کرنے کا فیصلہ کرلیا ہے جسکا ثبوت سوشل میڈیا پر وائرل ہونے والی تصاویر ہیں۔

حال ہی میں نواب زادہ تیمور راحیل نامی ایک شخص نے  اپنے انسٹاگرام اکاؤنٹ پر ایمان خان کے ساتھ کچھ تصاویر شیئر کیں ہیں۔ان جھلکیوں میں ان ممکنہ لو برڈز کو ایک ساتھ ٹوئننگ کرتے تو کبھی قیمتی لمحات گزارتے دیکھا جاسکتا ہے۔

ان جھلکیوں کو شیئر کرتے ہوئے مذکورہ صارف نے کیپشن میں بھڑکتی آگ میں تیل چھڑکنے کا کام کرتے ہوئے لکھا کہ،‘تم ہی میرا دل، میری زندگی اور میری واحد سوچ ہو۔‘

جبکہ ایک اور ریلز میں ایمان اور تیمور کی قربتیں بھی انکے تعلق کو چیخ چیخ کر بیان کررہی تھیں۔ اس ریلز کیساتھ تیمور نامی مسٹری مین نے  بنا کچھ لکھے دنیا اورسرخ دل والا اموجی بھی لگایا۔

جبکہ ریلز میں ایمان اور تیمور کی بڑھتی نزدیکیاں ہر دیکھنے والوں کو محسوس ہوئیں۔

اور پھر دیکھا جائے تو ایمان خان کی جانب سے تاحال تیمور راحیل کے ساتھ کوئی تصویر یا باضابطہ اعلان سامنے نہیں آیا۔ تاہم، بظاہر ایسا لگتا ہے کہ ایمان خان کسی خاص رشتے میں ہیں۔