انفوٹینمنٹ

انمول بلوچ کب شادی کریں گی؟

Web Desk

3 years ago

انمول بلوچ کب شادی کریں گی؟

ماڈل و اداکارہ انمول بلوچ نے انکشاف کیا ہے کہ ان کے والدین کے پاس ان کی شادی کے لیے بہت رشتے آتے ہیں اور وہ ہر بار شادی کے لیے منع کردیتی ہیں۔

انمول بلوچ کے والدین کا تعلق شمالی سندھ کے ضلع کشمور سے ہے اور وہاں ان کا اپنا گاؤں ہے، جہاں ان کے رشتے دار رہتے ہیں۔

ایک انٹرویو میں شادی سے متعلق پوچھے گئے سوال پر انہوں نے بتایا کہ ابھی وہ بچی ہیں، وہ شادی نہیں کریں گی۔

اسی دوران انہوں نے انکشاف کیا کہ ان کی شادی کے لیے بہت رشتے آتے ہیں جو کہ تمام کے تمام گاؤں سے آتے ہیں اور زیادہ تر ان کے کزنز ان کے ہاں رشتہ بھیجتے ہیں، جنہیں وہ مسترد کرتی رہتی ہیں۔

انمول بلوچ کے مطابق وہ شادی کرکے دوبارہ گاؤں نہیں جانا چاہتیں، اس لیے کزنز کے رشتوں کو منع کردیتی ہیں۔

ماڈل و اداکارہ کا کہنا تھا کہ وہ شادی کے لیے کوئی ٹائم فریم نہیں دے سکتیں، ان کی شادی ابھی بھی ہوسکتی ہے، اس میں دو سال بھی لگ سکتے ہیں اور اس میں 10 سال کا عرصہ بھی لگ سکتا ہے۔

انمول بلوچ نے کہا کہ ایسی بات نہیں کہ انہیں مرد پسند نہیں، مرد بھی اچھے انسان ہوتے ہیں اور ان کے خیال میں 60 فیصد مرد حضرات اچھے ہوتے ہیں۔

انمول بلوچ کی خوبصورت تصاویر یہاں دیکھیے: