فلم / ٹی وی

امیتابھ بچن ’ولن‘ اور رجنی کانت ’پولیس‘ ، نئی فلم کے چرچے

Web Desk

3 years ago

امیتابھ بچن ’ولن‘ اور رجنی کانت ’پولیس‘ ، نئی فلم کے چرچے

بالی وڈ کے لیونگ لیجنڈ و اداکار امیتابھ بچن اور معروف ایکشن ہیرو رجنی کانت کی ایک مرتبہ پھر بالی وڈ کی دنیا میں دھوم مچانے کی خبریں سرگرم ہوگئیں۔

امیتابھ بچن اور رجنی کانتھ ماضی میں کئی فلموں میں ایک ساتھ اپنی بہترین اداکاری سے فلموں کو سپر ہٹ بنا چکے ہیں جن میں 1983 میں ریلیز ہونے والی فلم ’اندھا قانون‘ ، 1985 کی فلم ’گرفتار‘ اور 1991 میں سینما گھروں کی زینت بننے وال فلم ’ہم‘ شامل ہیں۔

دونوں فنکار 32 سال بعد کسی فلم میں ایک ساتھ کام کرتے دیکھے جاسکیں گے اور اسی سبب بالی وڈ متوالے اس فلمی شاہکار کے جلد از جلد ریلیز ہونے کے منتظر ہیں۔

بھارتی میڈیا رپورٹس کے مطابق اس فلم میں رجنی کانت کو ایک پولیس افسر کا کردار نبھاتے دیکھا جاسکے گا جبکہ امیتابھ بچن فلم میں ولن کا کردار ادا کرتے نظر آئیں گے۔

خیال رہے کہ بالی وڈ کے ’شہنشاہ‘ کی جانب سے اس خبر کی تصدیق یا تردید نہیں کی گئی ہے اور نہ ہی فی الحال اس فلم کے نام کے حوالے سے کوئی خبر سامنے آئی ہے۔