اوور دا ٹاپ (او ٹی ٹی) پلیٹ فارم نیٹ فلکس پر جلد نشر  ہونے والی پاکستان کی پہلی اردو سیریز ’جو بچے ہیں سنگ سمیٹ لو‘ کی کاسٹ کا اعلان کردیا گیا۔

گزشتہ ماہ جولائی میں اعلان کیا گیا تھا کہ ڈرامہ سیریز ’جو بچے ہیں سنگ سمیٹ لو‘ نیٹ فلکس پر جاری کیا جائیگا، جبکہ ڈرامے کی کاسٹ کے حوالے سے شوبز انڈسٹری کے بڑے بڑے اداکار و اداکاراؤں کے نام سامنے آرہے تھے، تاہم اب ڈرامے کی کاسٹ کی تصدیق  کردی گئی ہے۔

فواد اور ماہرہ کا جادو ہوا بے قابو، نیٹ فلکس تک جا پہنچا

پاکستانی شوبز انڈسٹری کی آن اسکرین ہردلعزیز جوڑی فواد خان اور ماہرہ خان کے اوور...

نیٹ فلکس کیلئے تیار کیے جانے والے اس پہلے اردو ڈرامے میں پاکستان کی ہردلعزیز آن اسکرین جوڑی فواد خان اور ماہرہ خان کے علاوہ خوبرو اداکارہ صنم سعید اور احد رضا میر اپنی اداکاری کے جوہر دکھاتے نظر آئیں گے۔

ان کے علاوہ ہانیہ عامر، اقرا عزیز، مایا علی، حمزہ علی عباسی، بلال اشرف، عمیر رانا، نادیہ جمیل اور ثمینہ احمد بھی مختلف کردار نبھاتے نظر آئیں گے۔

یہ ڈرامہ معروف مصنفہ فرحت اشتیاق کے ناول ’جو بچے ہیں سنگ سمیٹ لو‘ کی کہانی پر مبنی ہے۔

مذکورہ ناول کی کہانی سکندر نامی ایک لڑکے کے گرد گھومتی ہے جو ہارورڈ یونیورسٹی کا گریجویٹ ہے، سکندر کی زندگی میں کچھ ایسے واقعات پیش آتے ہیں کہ وہ خود کو سب سے علیحدہ کرلیتا ہے، اسی دوران وہ لیزا نامی ایک لڑکی سے ملتا ہے اور کہانی ایک دلچسپ مُڑ لے لیتی ہے۔

فواد اور ماہرہ پھر سے ’رومانوی‘ جادو چلانے آگئے

پاکستانی معروف و ہردلعزیز اداکار فواد خان اور خوبرو و دلکش اداکارہ ماہرہ خان کی...

اس سیریز کی فلمبندی کیلئے پاکستان کے علاوہ اٹلی اور برطانیہ کے مختلف دلکش مقامات کا انتخاب کیا گیا ہے۔

یہ ڈرامہ معروف ہدایتکار و پروڈیوسر مومنہ درید کی پیشکش ہے جس کی کاسٹ کے حوالے سے کافی عرصے سے کئی اداکار و اداکاراؤں کے نام سامنے آرہے تھے، تاہم اب اس ڈرامے کی میگا کاسٹ کے متعلق پتا چل جانے سے ڈرامہ بینوں کو اس کا بے صبری سے انتظار ہے۔

خیال رہے کہ فرحت اشتیاق کے ناول پر بننے والا یہ کوئی پہلا ڈرامہ نہیں بلکہ اس سے قبل بھی مصنفہ کے قلم سے ’ہمسفر‘ ، میرے ہمدم میرے دوست‘ اور ’متاعِ جان ہے تو‘ جیسے بلاک بسٹر ڈرامے تخلیق پاچکے ہیں۔