پاکستانی اداکارہ عینا آصف کی ڈرامہ ’مائی ری‘ میں اداکاری شدید تنقید کی زد میں آگئی اور ان پر ’دیوداس‘ کی نقل کا الزام بھی عائد کردیا گیا۔ 

معاشرے میں بگاڑ کی وجہ ’پاکستانی ڈرامے‘ ہیں، مشی خان

اداکارہ مشی خان نے پاکستانی ڈراموں کو تنقید کا نشانہ بناتے ہوئے انہیں معاشرے میں...

ان دنوں ڈرامہ ’مائی ری‘  چرچوں میں ہے، جس میں کم عمر  ’فاخر‘ اور  ’عینی‘ کی شادی دکھائی گئی اور پھر عینی کے حمل کے غیر متوقع انکشاف نے ناظرین میں ایک گرما گرم بحث چھیڑ دی تھی۔

اب اس ڈرامے کی حال ہی میں نشر ہونے والی قسط میں عینا آصف کی اداکاری پر بھی ناظرین کی تنقید کا سلسلہ شروع ہوگیا ہے۔

مذکورہ سین میں عینا اپنے شوہر  فاخر کے ساتھ شادی کے سبب پیش آنے والے مسائل پر لڑ رہی ہوتی ہیں اور اسی دوران ادکارہ کی اداکاری ناظر ین کو ’اوور ایکٹنگ‘ معلوم ہوئی۔

علاوہ ازیں اس سین میں عینا آصف جھگڑتے ہوئے چند ایسے ڈائیلاگز بھی اداکرتی ہیں جو ناظرین اور سامعین کو بالی وڈ کی مقبول ترین فلم ’دیوداس‘ میں شاہ رخ خان کے آئیکونک ڈائیلاگ کی نقل لگے۔

مذکورہ فلم میں دیوداس اپنی والدہ کی جانب سے کیے گئے حویلی چھوڑنے کے مطالبے پر  یہ ڈائیلاگز ادا کرتا ہے کہ:

’’بابو جی نے کہا گاؤں چھوڑ دو، سب نے کہا پارو کو چھوڑ دو، پارو نے کہا شراب پینا چھوڑ دو ، آج تم نے کہہ دیا حویلی چھوڑ دو، ایک دن آئیگا وہ کہے گا دنیا ہی چھوڑ دو‘‘

چائلڈ اسٹار ’عینا آصف’ شوبز میں آتے ہی چھا گئیں

عینا کا بھائی بھی شوبز انڈسٹری سے وابستہ ہے

اس مقبول ترین ڈائیلاگ سے ملتے جلتے  ڈائیلاگز  مائی ری میں شامل کیے گئے ہیں جس میں عینی فاخر سے کہتی ہے ’آج تم نے کہہ دیا پڑھائی چھوڑ دوں ، کل کہہ دو گے سانس لینا چھوڑدو‘،  اور انہی نقل کیے گئے ڈائیلاگز  کے باعث ناقدین عینا آصف پر تنقید کر رہے ہیں۔