مشہور و معروف بھارتی اداکارہ شلپا شیٹی نے انکشاف کیا ہے کہ انہیں ہالی ووڈ کے معروف اداکار آرنلڈ شوازینگر کے باڈی گارڈز نے ان کے سامنے ہی دھکا مارا تھا ۔

حال ہی میں انہوں نے 22 ستمبر 2023کو اپنی نئے فلم سکھی کے ریلیز ہونے کے بعد اداکارہ شہناز گل کے پروگرام میں شرکت کی ۔

شلپا شیٹی کے ’مرمیڈ’ لُک نے غضب ڈھادیا

’سیاہ نشہ’

 اس دوران ایک سوال کے جواب میں ان کا کہنا تھا کہ پہلے میں اپنے مداحوں سے ایک فاصلہ بنائے رکھتی تھی لیکن جب آرنلڈ کے گارڈ نے دھکا مارا تو سمجھ گئی کہ ایک مداح کو کس قدر برا محسوس ہوتا ہے جب اس کا من پسند ہیرو یا ہیرؤن ان سے ایسا ناروا سلوک کرے۔

ماضی کے قصے کا ذکر آتے ہی شلپا شیٹی نے میزبان شہناز گل کے اصرار کرنے پر پورا واقعہ سنا دیا۔ شلپا کہنے لگیں کہ ایک تقریب کیلئے میں اور شوہر راج کندرا بیرونِ ملک میں موجود تھے تو ہوٹل میں ، میں نے ہالی ووڈ اداکار آرنلڈ کو دیکھا تو ان کیساتھ تصویر بنوانے کیلئے میں تڑپنے لگی۔

 اپنے جذبات کو کنٹرول نہ کر پانے کی صورت میں ان کے پاس بھاگتی ہوئی گئی لیکن ان کے گارڈ نے مجھے دھکا مار دیا اور ملنے نہ دیا۔

اس عمل پر شوہر راج کو بے انتہا غصہ آگیا اور ان کے گارڈز کے پاس جا کر کہا کہ وہ میری بیوی اور انڈین اداکارہ ہیں صرف آرنلڈ کیساتھ تصویر بنوانا چاہ رہی تھیں اور آپ کیسے ایک خاتون کیساتھ اس طرح پیش آ سکتے ہیں۔ یہ الفاظ سننے کے بعد بھی باڈی گارڈز نے ان سے ملنے نہ دیا جس پر میرا دل ٹوٹ گیا۔

شلپا کا دل للچا گیا، ایک ساتھ 10 پکوان کیسے کھائے ؟

ڈانس اور فٹنس کیلئے بھارتی فلمی دنیا میں مشہور اداکارہ شلپا شیٹی نے وزن کو متوازن...

بہرحال کچھ وقت بعد مجھے معلوم ہوا کہ میں اور آرنلڈ ایک ہی تقریب میں مدعو ہیں لٰہذا جب اگلے دن میری ان سے تقریب میں ملاقات ہوئی تو ان سے کہا کہ میں مشہور انڈین اداکارہ ہوں، آپ کیساتھ تصویر بنوانے کی خواہش رکھتی ہوں تو یہ الفاظ سن کر انہوں نے میرے ساتھ آخر کار تصویر بنوا ہی لی۔