وائرل اسٹوریز

ماہرہ خان کی نانی کا قصہ، مداح معصومیت پر فدا

Web Desk

ماہرہ خان کی نانی کا قصہ، مداح معصومیت پر فدا

پاکستانی اداکارہ ماہرہ خان نے اپنی نانی کو یاد کرتے ہوئے ایک ایسا قصہ سنایا کہ مداح اداکارہ کی معصومیت پر دل ہار بیٹھے۔

ماہرہ خان پاکستانی شوبز انڈسٹری میں ممتاز مقام رکھتی ہیں اور بالی وڈ میں بھی شاہ رخ خان کی فلم ’رئیس‘ میں جلوہ گر ہوکر اپنے فن کا لوہا منواچکی ہیں۔

ماہرہ خان کے انٹریو کی ایک ویڈیو سوشل میڈیا پر زیرِ گردش ہے جس میں وہ اپنی نانی کے حوالے سے بات کر رہی ہیں۔

اداکارہ نے بتایا کہ ’ میری نانی کو لفظ یار بہت برا لگتا تھا اور مجھے اس لفظ کو اپنی گفتگو میں استعمال کرنے کی عادت تھی۔‘

انہوں نے بتایا کہ ’ میں عام گفتگو میں بے ساختہ کہتی رہتی تھی نانی یار، اماں یار جس کو سن کر ایک  دفعہ میری نانی نے مجھے اپنے پاس بلایا اور پوچھا کہ کیا آپ اس لفظ کا مطلب جانتی ہیں ؟ ‘

اداکارہ کا کہنا تھا کہ ’ جب میری نانی نے مجھ سے لفظ یار کا مطلب پوچھا تو میں نے کہا نہیں مجھے نہیں پتہ‘ ، جس پر وہ بولیں کہ ’جب آپ کو یار کا مطلب پتہ چل جائے تب میرے پاس آئیے گا، لیکن تب تک آپ یہ لفظ استعمال نہیں کریں گی۔‘

اس کے بعد ماہرہ خان نے بے حد معصومیت کے ساتھ بتایا کہ ’ نانی کی یہ بات سن کر میں نے ان سے کہا ’’ یار کا مطلب کیا ہوتا ہے یار‘‘۔

تازہ ترین