فیشن

مایا علی کی ’جھلملاتے لباس‘ میں دلکشی کی انتہا

Web Desk

3 years ago

مایا علی کی ’جھلملاتے لباس‘ میں دلکشی کی انتہا

پاکستانی خوبرو اداکارہ مایا علی نے آسمانی لباس میں ملبوس ایک ویڈیو جاری کر کے سب کو اپنے حسن کے سحر میں جکڑ لیا۔

مقبول ترین ڈرامہ ’من مائل‘ میں ’مناہل جاوید‘ عرف ’مننو‘ کے کردار میں اپنی بہترین اداکاری سے جان ڈالنے والی اداکارہ مایا علی نے حال ہی میں فوٹو اینڈ ویڈیو شیئر نگ ایپ انسٹاگرام پر ایک ویڈیو جاری کی ہے جس میں وہ حسین جوڑے میں ملبوس بیرونِ ملک کسی شہر کی سڑکوں پر گھومتی پھرتی نظر آرہی ہیں۔

مذکورہ ویڈیو میں مایا علی کے حسن کو چار چاند لگاتا ان کا یہ لباس انکے اپنے کلاتھنگ برانڈ ’مایا پریٹ‘ کا شاہکار ہے۔

مایا علی اس ویڈیو میں آسمانی لمبی قمیص کے ساتھ چوڑی دار پاجامہ پہنی ہوئی ہیں جبکہ اس کے ساتھ نگوں جڑا دوپٹہ ان کے لباس کی خوبصورتی میں مزید اضافہ کرتا معلوم ہو رہا ہے۔

اداکارہ نے اپنے لُک کو اور خوبصورتی بخشنے کے لیے ہائی ہیلز اور کانوں میں بڑے بُندے پہنے ہوئے ہیں جبکہ انکی چاکلیٹی براؤن گھنگھریالی زلفیں بھی ان کو مزید حسین بناتی دکھ رہی ہیں۔

اداکارہ کا یہ لُک اور ان کی ادائیں سوشل میڈیا صارفین کی جانب سے بے حد سند کی جارہی ہیں۔