بھارتی اداکارہ عالیہ بھٹ نے اپنی اکلوتی بیٹی راہا کپور کی پہلی سالگرہ کے موقع پر چند تصاویر کے ساتھ محبت سے بھرپور پیغام جاری کردیا۔

فلم 'گنگو بائی کاٹھیاواری' میں بہترین اداکاری کے سبب نیشنل ایوارڈ جیتنے والی اداکارہ عالیہ بھٹ نے گزشتہ روز راہا کپور کی پہلی سالگرہ کو یادگار بناتے ہوئے فوٹو اینڈ ویڈیو شیئرنگ ایپ انسٹاگرام پر چند تصاویر جاری کی ہیں جن میں راہا کے ننھے ہاتھوں کو دیکھا جاسکتا ہے۔

عالیہ بھٹ کی اس انسٹاگرام پوسٹ میں شامل پہلی تصویر میں راہا کے چھوٹے سے ہاتھ ایک کیک کے اوپر رکھے نظر آرہے ہیں جبکہ بقیہ دو تصاویر میں سے ایک میں راہا کے ہاتھوں میں گیندے کا پھول ہے اور ان ننھے سے ہاتھوں کو دو بڑے ہاتھ گھیرے میں لیے ہوئے ہیں۔

رنبیر اور راہا کی جوڑی عالیہ بھٹ کو کیسی لگتی ہے ؟

بھارتی معروف اداکارہ عالیہ بھٹ نے رنبیر اور راہا کو ایک دیوہیکل اور چھوٹے پپی سے...

پوسٹ میں شامل تیسری تصویر میں ایک میوزک باکس دیکھا جاسکتا ہے جس کا میٹل ہینلڈ گھومانے پر ایک مسحور کن میوزک بج رہی ہے۔

اس خاص پوسٹ کے کیپشن میں اداکارہ نے راہا سے اپنی بے انتہا محبت کا اظہار کرتے ہوئے لکھا کہ ’ ہماری خوشی، ہماری زندگی اور ہماری روشنی، ابھی کل کی ہی بات معلوم ہوتی ہے کہ میں دورانِ حمل تمہیں یہ میوزک سناتی تھی۔‘

انہوں نے مزید لکھا کہ ’ ہماری زندگی میں تمھارا ہونا ایک نعمت ہے، تم نے ہماری زندگی کو ایک مزیدار کریمی کیک جیسا بنا دیا ہے، سالگرہ مبارک ہو ننھی سی شیرنی، ہم تم سے بے انتہا محبت کرتے ہیں۔‘ 

عالیہ نے بیٹی 'راہا' کی شکل چھپانے کی وجہ بتادی

بھارتی اداکارہ عالیہ بھٹ نے اپنی اکلوتی بیٹی راہا کپور کو میڈیا اسپاٹ لائٹ سے دور...

خیال رہے کہ رنبیر کپور اور عالیہ بھٹ نے 14 اپریل 2022کو ایک گھریلو تقریب میں شادی کی تھی اور شادی کے سات ماہ بعد انکی بیٹی راہا کپور 2 نومبر 2022کو پیدا ہوئیں۔

اسٹار جوڑی نے اپنی بیٹی کو میڈیا اسپاٹ لائٹ سے دور رکھا ہوا ہے اور ایک سال گزر جانے کے باوجود راہا کپور کی شکل و صورت مداحوں پو آشکار نہیں کی گئی ہے۔