پاکستان کے معروف اینکر پرسن اقرار الحسن نے سماجی رابطے کی ویب سائیٹ ’ایکس‘ پر اپنے ساتھی دوست وسیم بادامی کے اکاؤنٹ ہیک ہونے کی تصدیق کرتے ہوئے ایک پیغام جاری کیا جو ہیکر کو ایک آنکھ نہ بھایا۔

وسیم بادامی کا ’ایکس‘ اکاؤنٹ ہیک ہو گیا

اقرار الحسن کی بادامی کے ’ایکس‘ اکاؤنٹ ہیک ہونے کی تصدیق

گزشتہ روز معروف اینکر اور میزبان وسیم بادامی کا ’ایکس‘ اکاؤنٹ ہیک کرلیا گیا تھا جس کے بعد سے سوشل میڈیا بالخصوص ’ایکس‘ پر اس حوالے سے سوشل میڈیا صارفین مختلف چہ مگوئیاں کرتے نظر آئے۔ 

جہاں وسیم بادامی کے اکاؤنٹس سے شیئر ہونے والے حیران کن و عجیب پوسٹس پر وسیم کے چاہنے والوں کے ساتھ ساتھ قریبی دوستوں کی جانب سے بھی تفتیش کا اظہار کیا گیا وہیں ان کے انتہائی قریبی دوست اقرار الحسن نے اپنے ایکس اکاؤنٹ پر ایک پوسٹ شئیر کر کے حقائق سے پردی ہٹایا۔

 اس پوسٹ میں انہوں نے وسیم کے اکاونٹ ہیک ہونے کی تصدیق کرتے ہوئے مداحوں کو ایک تنبیہ بھی کی۔

اقرار کا کہنا تھا کہ ' وسیم بادامی صاحب کا ٹوئٹر اکاؤنٹ ہیک کر لیا گیا ہے۔ لہٰذا جب تک اکاؤنٹ واپس حاصل نہیں کر لیا جاتا تب تک اُن کے اکاؤنٹ سے کی گئی تمام ٹوئیٹس کو نظر انداز کیا جائے۔ میں اس حوالے سے اپڈیٹ فراہم کرتا رہوں گا۔'

اقرار نے مداحوں کو خبردار کرتے ہوئے کہا کہ وسیم کے اکاؤنٹ کی بحالی تک ان کی طرف سے کی جانے والی کسی بھی پوسٹ پر کان نہ دھرے جائیں۔

اس بیان کے سامنے آتے ہی ہیکر کی توجہ کا مرکز اقرار بن گئے  اور جواباً ہیکر نے بھی ایک پوسٹ شئیر کی۔ 

ہیکر نے اقرار کی پوسٹ پر ردِ عمل دیتے ہوئے ان سے پوچھا کہ ' تمہارا بھی کروں ؟ مالدیپ سے لطف اندوز ہو۔'

ہیکر کی جانب سے جاری کیے گئے اس دھمکی آمیز  بیان پر اقرار نے مزاح کی راہ اختیار کرتے ہوئے لکھا کہ ’ باس میں نے آپ کو کیا کہا ہے ؟‘۔

اقرار الحسن نے اس جواب کے ساتھ ایک ایموجی بھی بنایا جس میں ایک بندر اپنی آنکھوں پر ہاتھ رکھے دیکھا جاسکتا ہے۔

واضح رہے کہ وسیم بادامی کا ’ایکس‘ اکاؤنٹ گزشتہ روز سے ہیکر کے قبضے میں ہے جسے بحال کرانے کیلئے کوئی خاطر  خواہ اقدام دیکھنے میں نہیں آرہے۔