لالی ووڈ

صبا فیصل کا بیٹوں کے نصیب کے متعلق اہم بیان

Web Desk

صبا فیصل کا بیٹوں کے نصیب کے متعلق اہم بیان

صبا فیصل کا بیٹوں کے نصیب کے متعلق اہم بیان

پاکستانی اداکارہ صبا فیصل نے کامیاب شادی کے حوالے سے بات کرتے ہوئے بیٹوں کے نصیب کیلئے دعا کرنے پر زور دے دیا۔

صبا فیصل اکثر و بیشتر خاندانی نظام پر بات کرتی نظر آتی ہیں اور شادی کو کامیاب بنانے کیلئے وہ مشورے بھی دیتی رہتی ہیں۔

ایک انٹرویو میں اداکارہ نے لڑکیوں کے اچھے نصیب کی دعا کی بات چھڑنے پر کہا کہ ’ ہم پہلے یہ دعا کرتے تھے اللہ بیٹیوں کے نصیب اچھے کرے لیکن اب ہمیں یہ بھی دعا کرنی چاہئے کہ اللہ بیٹوں کے بھی نصیب اچھے کرے‘۔

انہوں نے کہا کہ ’بیٹے آپ کا خاندان آگے لے کر چلتے ہیں اور بیٹوں کی شادی جب ہوتی ہے تو بہو کو گھر آگے لے کر چلنا ہوتا ہے جو ایک بہت بڑی ذمہ داری ہوتی ہے‘۔

اپنی بات کی مزید وضاحت دیتے ہوئے صبا فیصل نے اپنی بھابھی کا حوالہ دیا اور کہا کہ ‘جب میری والدہ بیمار ہوئیں تو میری بھابھی نے میری ماں کی بے انتہا خدمت کی اور میں آج ان کو ماں کا درجہ دیتی ہوں کیونکہ انہوں نے میری ماں کا بہت خیال رکھا‘۔