پاکستان شوبز انڈسٹری کی اسٹار جوڑی ایمن خان اور منیب بٹ نے اپنی ازدواجی زندگی کے 5 سال مکمل ہونےکی خوشی میں اپنے پرستاروں کے ساتھ محبت بھری تصویر شیئر کردی۔

نومبر 2018 میں رشتہ ازدواج میں منسلک ہونے والی جوڑی ایمن خان اور منیب بٹ دو خوبصورت بیٹیوں کے والدین ہونے کے ساتھ اپنی ازدواجی زندگی اور شوبز کی دنیا کو کامیابی کے ساتھ لے کر چل رہے ہیں۔

ایمن اور منال کی سالگرہ، کیک کے چرچے کیوں؟

کیک میں ایمن اور منال کی جھلکیاں شامل ہیں

شاید یہی وجہ ہے کہ سوشل میڈیا پوسٹ پر اندیکھی تصاویر کے سبب یہ جوڑا ہرلمحہ اپنے مداحوں کے ساتھ اپنی ہر چھوٹی بڑی خوشیوں کو بانٹتا بھی دکھائی دیتا ہے۔

فوٹو اینڈ ویڈیو شیئرنگ ایپ انسٹاگرام پر ایمن خان نے اپنے شوہر منیب بٹ کے ہمراہ محبت بھری تصویر جاری کی جس نے منظر عام پر آتے ہی مداحوں کی جانب سے ڈھیروں تعریفیں سمیٹ لیں۔

پوسٹ میں اداکارہ ایمن خان اپنے ہاتھ میں خوبصورت پھولوں کا گلدستہ لیے اپنے شوہر کے ہمراہ  محبت بھرے لمحات بانٹ رہی ہیں جبکہ نزدیک ہی رکھا کیک بھی سب کی تمام تر توجہ کا مرکز بنا ہو اتھا۔

پوسٹ کا اشتراک کرتے ہوئے ایمن خان نے شادی کے 5 سال مکمل ہونے کی خوشی میں  گزشتہ 5 سالوں کی محبت اور ہمیشہ کا ساتھ مانگتے خوبصورت الفاظ شامل کیے۔

جیسے ہی پوسٹ منظر عام پر آئی منال خان سمیت شوبز سے وابستہ شخصیات کی جانب سے جوڑے کو مبارک باد دینے اور نیک خواہشات کا اظہار کرنے کا نہ تھمنے والا سلسلہ شروع ہوگیا۔

منال خان نے اپنی بہن اور بہنوئی کو مبارک باد دیتے ہوئے لکھا کہ،’شادی کی سالگرہ مبارک ہو’۔

ساتھ ہی اداکارہ حرا مانی، اور عائشہ ملک نے بھی تبصرہ کرتے ہوئے ایمن اور منیب کیلئے اپنی محبت کا اظہار کیا۔

یاد رہے کہ ایمن خان اور منیب بٹ کی شادی نومبر 2018 میں ہوئی تھی، بعد ازاں 30 اگست 2019 کو ان کے ہاں پہلی بیٹی کی پیدائش ہوئی جس کا نام امل رکھا گیا جبکہ 7 اگست 2023 کو اس جوڑے نےاپنی دوسری بیٹی کا دنیا میں خیر مقدم کیا۔