انفوٹینمنٹ

الو ارجن نے 'پشپا' ون اور ٹو کیلئے کتنا معاوضہ لیا؟

Web Desk

3 years ago

الو ارجن نے 'پشپا' ون اور ٹو کیلئے کتنا معاوضہ لیا؟

تیلگو فلم انڈسٹری کے سپر اسٹار الو ارجن کے مداح ان کی فلم پُشپا کے پارٹ ٹو کا بے صبری سے انتظار کر رہے ہیں، فلم انڈسٹری میں 20 برس مکمل ہونے پر الو ارجن شکریہ ادا کیا اور ساتھ ہی سوشل میڈیا پر 'پشپا' ٹو کا پوسٹر بھی شیئر کیا۔ بھارتی اداکار نے پوسٹر کے ساتھ ہیش ٹیگ یہ لکھا 'پشپا ٹو دی رول کا آغاز'

بھارتی میڈیا رپورٹس کے مطابق بھارت کی مقبول ترین فلم پشپا نے باکس آفس پر کئی ریکارڈز توڑ دیے تھے، یوں یہ فلم 2021 کی سب سے زیادہ بزنس کرنے والی بھارتی فلموں میں شمار ہو گئی تھی۔ اب اس کا سکوئل بنایا جا رہا ہے۔

پشپا 2 کی ریلیز کی تاریخ کے حوالے سے ابھی کوئی اعلان نہیں کیا گیا، تاہم یہ کہا جارہا ہے کہ رواں برس کے آخر میں اس فلم کی نمائش متوقع ہے۔

بھارتی میڈیا رپورٹس کے مطابق پشپا ٹو کے لیے الو ارجن نے اپنے معاوضے کو ڈبل کر دیا ہے، کہا جارہا ہے کہ 2021 میں ریلیز ہونے والی پشپا کیلئے اداکار نے 45 کروڑ بھارتی روپے وصول کیے تھے۔ جبکہ انہوں نے پارٹ ٹو کیلئے 85 کروڑ کا معاوضہ لیا ہے۔