پاکستانی اداکار منیب بٹ نے اداکارہ ایمن خان کے ساتھ شادی کے 5 سال مکمل ہونے کی خوشی میں ایک دلکش تصویر اور محبت سے بھرپور پیغام جاری کردیا۔

گزشتہ روز ایم اور منین نے اپنی شادی کی 5ویں سالگرہ منائی جس کی تصاویر نے فوٹو اینڈ ویڈیو شیئرنگ ایپ انسٹاگرام پر شیئر ہوتے ہی مداحوں کی تمام تر توجہ کا مرکز بنتے ہوئے ان کی نیک تمنائیں حاصل کرنے کا سبب ن گئیں۔

5 سال مکمل، ایمن اور منیب نے رومانوی تصویر شیئر کردی

شادی کی 5ویں سالگرہ پر ایمن کا منیب کیلئے محبت بھرا پیغام

ایمن خان نے پہلے اس خوشی کا جشن مناتے ہوئے ایک تصویر انسٹاگرام اکاؤنٹ پر جاری کی جس میں وہ منیب کے ساتھ کھڑی ہوئی ہیں اور ان کے رخسار پر بوسہ دیتی نظر آرہی ہیں۔

مذکورہ پوسٹ کے کیپشن میں ایمن نے لکھا کہ ’ زندگی کے محبت سے بھرپور 5 سال مکمل ہونے کا جشن منارہے ہیں‘۔

اس پوسٹ پر اسٹار جوڑی کے پُرستار اور ساتھی فنکاروں کی جانب سے محبت کی برسات کی ہی جارہی تھی کہ منیب بٹ نے بھی اس جشن کی ایک تصویر انسٹاگرام پر جاری کردی جس میں دونوں اس خوشی کے دن پر چاکلیٹ کیک کاٹ رہے ہیں۔

منیب بٹ نے اس پوسٹ کے کیپشن میں ایمن سے اپنی بے انتہا محبت کا اظہار کرتے ہوئے لکھا کہ ’ شادی کے رشتے کو کوئی زنجیر نہیں باندھ کر رکھتی، بلکہ ہزاروں نازک دھاگے دو لوگوں کو سالوں جوڑ کر رکھتے ہیں۔ شادی کی پانچویں سالگرہ مبارک ہو ایمن‘۔

یاد رہے کہ ایمن خان اور منیب بٹ کی شادی نومبر 2018 میں ہوئی تھی، بعد ازاں 30 اگست 2019 کو ان کے ہاں پہلی بیٹی کی پیدائش ہوئی جس کا نام امل رکھا گیا جبکہ 7 اگست 2023 کو اس جوڑے نےاپنی دوسری بیٹی کا دنیا میں خیر مقدم کیا۔