کھیل

خوابوں کی دنیا میں رہ رہی ہوں، انمول محمود کا محبت بھرا پیغام

Web Desk

2 years ago

خوابوں کی دنیا میں رہ رہی ہوں، انمول محمود کا محبت بھرا پیغام

پاکستان کرکٹ ٹیم کے اوپنگ بیٹر امام الحق کی 28ویں سالگرہ پر اہلیہ انمول محمود نے محبت سے بھرپور پیغام سوشل میڈیا پر جاری کردیا۔

حال ہی میں رشتہ ازدواج میں منسلک ہونے والی نوبیاہتا دلہن انمول محمود نے اپنے آفیشل انسٹاگرام اکاؤنٹ پر دلکش تصاویرپرمبنی پوسٹ جاری کی جس میں یہ جوڑا ایک دوسرے کے ہمراہ قیمتی لمحات سمیٹنے دیکھا جاسکتا ہے۔

جاری کردہ تصاویر میں انمول اور امام کی نکاح اور ولیمے کی جھلکیوں کے ساتھ شادی کے بعد کی چند تصاویر بھی موجود ہیں جسے دیکھنے کہ بعد کوئی ایک بار پھر امام اور انمول کے گن گانے پر مجبور ہوگیا۔

پوسٹ کے کیپشن میں انمول نے اپنے ہمسفر امام الحق کو انکی28ویں سالگرہ کے موقع پرمبارک باددیتے ہوئے لکھا کہ'آپ کے ساتھ میں ایک خوبصورت خوابوں کی دنیا میں رہ رہی ہوں، آپکو اپنا کہنا میرے لیے باعث فخر ہے۔'

محبت کا اظہار کرتے ہوئے انمول کا مزید کہنا تھا کہ'میری محبت کو سالگرہ بہت بہت مبارک ہو'۔

یاد رہے کہ کرکٹر امام الحق اور انمول محمود گزشتہ ماہ نومبر میں کرکٹ کی دنیا سے نامور شخصیات اور قریبی دوستوں کی موجودگی میں شادی کے بندھن میں بندھے تھے۔