بھارتی اداکار شاہ رخ خان نے بالی وڈ کی دو سپر ہٹ فلموں کیلئے حامی بھرنے کے باوجود نہ کر پانے کی وجوہات پر سے پردہ ہٹا دیا۔

فلم ’ڈنکی‘ کی پروموشن کے دوران شاہ رخ خان نے عرب میڈیا کو انٹرویو دیتے ہوئے فلم کے ہدایتکار  راج کمارہیرانی سے پرانے تعلقات ہونے کے متعلق بات کی۔

‘ڈنکی‘ کی تقریب ’چل چھیاں چھیاں‘ کے نام ہوگئی

بھارتی اداکار شاہ رخ خان نے اپنی فلم ’ڈنکی‘ کی تشہیر کیلئے منعقدہ ایونٹ میں ’چل...

مذکورہ انٹرویو میں شاہ رخ خان نے انکشاف کیا کہ ’ فلم منا بھائی ایم بی بی ایس اور تھری ایڈیٹس کیلئے راج کمار ہیرانی کا پہلا انتخاب میں تھا لیکن میں ان دونوں فلموں میں انجریز کے سبب کام نہ کرسکا۔

انہوں نے بتایا کہ میں فلم سودیس کی شوٹ پر تھا اور فلم کا وہ سین فلمایا جارہا تھا جس میں مجھے مرنے کی اداکاری کرنی تھی کے اس دن راج کمار ہیرانی میرے پاس آئے اور کہا کہ ’ میرے پاس ایک فلم کی اسکرپٹ ہے‘، جس پر میں نے کہا کہ ’ٹھیک ہے ہم ایک دن کے بعد ملتے ہیں اگلی فلم میری یہی ہوگی‘۔

انہوں نے انکشاف کیا کہ ’ راج کمار ہیرانی نے حیران ہوکر کہا کہ مجھے لگتا ہے کہ تم نے میری بات صحیح سے نہیں سنی ؟ جس پر میں نے کہا کہ ہاں سن لی، مجھے اس فلم کا نام بھی بے حد پسند آیا ہے منا بھائی ایم بی بی ایس‘۔

ویڈیو، کرس گِل بھی شاہ رخ خان کی طرح ’لُٹ پُٹ گئے‘

جنوبی افریقا کے سابق کرکٹر کرس گِل کی بالی وڈ کے ’بادشاہ‘ شاہ رخ خان کی جلد ریلیز...

شاہ رخ خان نے بتایا کہ ’فلم کی اسکرپٹ پڑھے بغیر قبول کرلی لیکن پھر بعد میں کمر کی تکلیف اور آپریشن کے باعث فلم نہ کرسکا جو سپر ہٹ ثابت ہوئی‘۔

شاہ رخ خان نے دوسری فلم کا تذکرہ کرتے ہوئے کہا کہ ’ فلم تھر ی ایڈیٹس میں بھی کردار ادا کرنے کی حامی بھری تھی تاہم وہ بھی نہ کرسکا۔‘

 فلم میں عامر خان نے وہی کردار کیا اور اس فلم کا شمار عامر خان کی کامیاب فلموں میں کیا جاتا ہے۔