اسکینڈلز

'کون بنیگا کروڑپتی'، امیتابھ بچن کے آنسو جھوٹے نکلے ؟

Web Desk

2 years ago

'کون بنیگا کروڑپتی'، امیتابھ بچن کے آنسو جھوٹے نکلے ؟

بھارتی مقبول ترین گیم شو ' کون بنیگا کروڑپتی' کے میزبان امیتابھ بچن کی حالیہ جاری قسط میں پُرنم آنکھوں کے ساتھ دی گئی الوداعی تقریر کی حقیقت سامنے آگئی۔

امیتابھ بچن گزشتہ 23 سال سے 'کون بنیگا کروڑپتی' کی میزبانی کے فرائض سرانجام دیتے آئے ہیں اور اپنے منفرد انداز سے اس شو کو لوگوں کا سب سے پسندیدہ شو بنا دیا جو ناصرف بھارت بلکہ دنیا میں شوق سے دیکھا جاتا رہا۔

دو روز قبل امیتابھ بچن بھارتی ٹی وی چینل 'سونی' کے انسٹاگرام پر 'کون بنیگا کروڑپتی سیزن 15' کے گرینڈ فنالے کی ایک مختصر ویڈیو جاری کی جس میں امیتابھ بچن اپنے روایتی انداز میں رخصت لیتے ہوئے یہ بتاتے نظر آئے کہ آج وہ اس شو سے آخری مرتبہ رخصت لے رہے ہیں اور اب آئندہ روز سے یہ شو نہیں سجے گا۔

23 سالوں سے اس شو میں امیتابھ بچن کو میزبان دیکھنے اور پسند کرنے والے ناظرین یہ ویڈیو دیکھ کر گہرے غم میں مبتلا ہوگئے تھے اور سوشل میڈیا پر اپنے اس غم کا اظہار کرتے بھی نظر آئے۔

شو کی یہ ویڈیو وائرل ہونے کے بعد متعدد ناظرین امیتابھ بچن کے شو چھوڑنے کی وجہ بھی دریافت کرتے نظر آئے تاہم کوئی تصدیق شدہ جواب حاصل نہ ہوسکا۔