پاسپورٹ انڈیکس کی ایک حالیہ رپورٹ میں پاکستانی پاسپورٹ رکھنے والوں کے لیے انتہائی اہم خوشخبری سامنے آئی ہے۔

رپورٹ کے مطابق آٹھ ممالک ایسے ہیں جہاں پاکستانی بغیر ویزے کے سفر کر سکتے ہیں۔پاکستانی پاسپورٹ رکھنے والوں کو بیرونِ ملک سفر کے لیے عام طور پر 151 ممالک کا ویزا درکار ہوتا ہے جن میں سے 36 ممالک میں اب ویزا آن ارائیول کی سہولت فراہم کردی گئی ہے جبکہ کچھ ممالک الیکٹرانک ویزا کی سہولت بھی پیش کررہے ہیں۔

سال 2023 میں دنیا کے مہنگے ترین شہر کونسے رہے؟

امریکی جریدے 'فوبس' کی رپورٹ جاری

پاکستانیوں کو ویزا فری سفر کی سہولت فراہم کرنے والے آٹھ ممالک مندرجہ ذیل ہیں۔

بارباڈوس (Barbados)

پاکستانیوں کے لیے بارباڈوس میں 90 دن تک ویزہ فری قیام ممکن ہے۔

 ڈومینیکا (Dominica)

 ڈومینیکا میں پاکستانیوں کو 180 دن تک ویزا فری قیام میسر ہے۔

گیمبیا (Gambia)

 

گیمبیا 90 دن تک کا ویزا فری قیام فراہم کرتا ہے۔

 ہیٹی (Haiti)

ہیٹی نے پاکستانی سیاحوں کے لیے 90 دن تک کے ویزا فری قیام کے ساتھ اپنے دروازے کھولے۔

مائیکرونیشیا (Micronesia) 

مائیکرونیشیا نے 30 دن تک ویزا کے بغیر قیام کی اجازت دی ہے، جو پاکستانی پاسپورٹ رکھنے والوں کے لیے ایک منفرد منزل کی پیشکش ہے۔

سینٹ ونسنٹ اور گریناڈائنز (Saint Vincent and the Grenadines)

سینٹ ونسنٹ اور گریناڈائنز کے جزیرے پاکستانی مسافروں کو 90 دن تک بغیر ویزا کے قیام کے ساتھ خوش آمدید کہتے ہیں۔

ٹرینیڈاڈ اور ٹوباگو (Trinidad and Tobago)

ویزا فری قیام کے لیے یہ واحد ملک ہے جہاں قیام کی کوئی خاص مدت متعین نہیں کی گئی ہے۔

وانواتو (Vanuatu)

یہ آسٹریلیا کے قریب ایک جزیرے والا ملک ہے جو پاکستانی پاسپورٹ رکھنے والوں کے لیے ایک پرکشش مقام کے طور پر 30 دن تک ویزا کے بغیر قیام کی اجازت دیتا ہے۔