ٹریول

دنیا کے وہ ممالک جہاں ائیرپورٹ نہیں ہیں

Web Desk

دنیا کے وہ ممالک جہاں ائیرپورٹ نہیں ہیں

دنیا کے وہ ممالک  جہاں ائیرپورٹ نہیں ہیں

ہوائی اڈے یا ائیر پورٹ نہ ہونا یہ ناقابل یقین تو ہوسکتا مگر نا ممکن نہیں کیونکہ دنیا میں ایسے ممالک بھی ہیں جن میں ہوائی اڈوں کی سہولت بالکل موجود نہیں۔

وہ مملک جہاں ائیر پورٹ موجود نہیں ہیں وہ اپنے پڑوسی ممالک کے ساتھ وسائل کا زبردست اشتراک کرتے دکھائی دیتے ہیں۔

یہاں ان انوکھے ممالک کو دریافت کرتے ہیں جن کا اپنا کوئی ہوائی اڈہ یا ائیر پورٹ نہیں ہے۔ 

سان مارینو (San Marino)

دنیا کے وہ ممالک  جہاں ائیرپورٹ نہیں ہیں

 ویٹیکن سٹی کے قریب واقع دنیا کی قدیم ترین ریاستوں میں سے ایک مانے جانے والا ملک سان مارینو کی سمندر تک رسائی نہیں ہے اور اس کے چھوٹے رقبہ کی وجہ سے اس میں ہوائی اڈہ نہیں ہے۔

 سان مارینو ایک وسیع سڑک کے نیٹ ورک پر مشتمل ہے جو لوگوں کو ملک سے باہر جانے میں آسانی فراہم کرتا ہے۔اس کے قریب ترین ہوائی اڈوں میں سے رمینی ، بولوگنا، فلورنس، وینس اور پیسا شامل ہیں۔ 

ویٹیکن سٹی (Vatican City)

دنیا کے وہ ممالک  جہاں ائیرپورٹ نہیں ہیں

ویٹیکن سٹی  دنیا کی سب سے چھوٹا ملک ہے جس کی آبادی تقریباً 800 رہائشیوں پر مشتمل ہے۔ 

ملک کا چھوٹا رقبہ ہونے کے باعث یہ ہوائی اڈے کی سہولت سے محروم ہے۔ متبادل نقل و حمل کی سہولت کے لیے یہاں کوئی دریا یا آبی ذخائر بھی نہیں ہیں۔ اس کے قریبی ہوائی اڈوں میں فیومیسینو اور سیامپینو شامل ہیں۔

اندورا(Andorra)

دنیا کے وہ ممالک  جہاں ائیرپورٹ نہیں ہیں

اندورا کا زمینی رقبہ زیادہ ہونے کے باوجود اسے جس جغرافیائی چیلنج کا سامنا ہے وہ پہاڑوں کی موجودگی ہے۔ یہ فرانس اور اسپین کے درمیان واقع ہے جو مکمل طور پر پیرینیس کے پہاڑی سلسلے سے گھرا ہوا ہے۔ یہاں پہاڑوں کی موجودگی ہوائی اڈے سے محرومی کا سبب ہے۔ اس کے قریبی شہروں جیسے بارسیلونا ، لیریڈا اور گیرونا کے زریعے پروازوں کا انتخاب کیا جاتا ہے۔

موناکو(Monaco)

دنیا کے وہ ممالک  جہاں ائیرپورٹ نہیں ہیں

موناکو ویٹیکن سٹی کے بعد دنیا کی دوسری سب سے چھوٹا ملک ہے جو اپنے تینوں اطراف سے فرانس سے گھرا ہوا ہے اور اس کا کوئی آزاد ہوائی اڈہ نہیں ہے۔ اس کے قریبی ہوائی اڈہ میں فرانس کے نائس کوٹ ڈی ازور ہوائی اڈہ شامل ہے۔

لیختنسٹین (Liechtenstein)

دنیا کے وہ ممالک  جہاں ائیرپورٹ نہیں ہیں

لیختنسٹین بھی ایک چھوٹا ملک ہے جس کا دائرہ 75 کلومیٹر س بھی کم ہے۔ یہاں اگر ہوائی اڈہ قائم کیا جاتا تو وہ مشرق میں دریائے رائن کے پار سے لے کر مغرب میں آسٹریا کے پہاڑوں تک پھیلا ہوا ہوتا۔ مقامی لوگ زیورچ کے ہوائی اڈے کی سہولت سے فائدہ اٹھاتے ہیں۔

تازہ ترین