بالی وڈ اسٹارز عالیہ بھٹ اور رنبیر کپور کی بیٹی راہا کپور کی نئی تصاویر نے سوشل میڈیا پر دھوم مچادی۔

حال ہی میں رنبیر کپور اور عالیہ بھٹ نئے سال کا جشن منانے کے بعد اپنے ملک بھارت واپس لوٹے جہاں ایئرپورٹ پر میڈیا کے فوٹوگرافرز نے اس جوڑی کی ویڈیوز اور تصاویر لیں۔

اس موقع پر رنبیر کپور کی گود میں ر اہا کو دیکھا گیا جو ہلکے گلابی ڈریس میں مسکراتی ہوئی نظر آئیں۔

راہا کی پہلی سالگرہ، عالیہ کا جذباتی پیغام جاری

بھارتی اداکارہ عالیہ بھٹ نے اپنی اکلوتی بیٹی راہا کپور کی پہلی سالگرہ کے موقع پر...

رنبیر نے اگرچہ راہا کے ساتھ باقاعدہ تصاویر نہیں بنوائیں لیکن گاڑی میں بیٹھتے ہوئے ہاتھ کے اشارے سے میڈیا کا شکریہ ادا کرتے نظر آئے۔

ان چند سیکنڈز کے اندر میڈیا کے فوٹوگرافرز کے کیمرے میں دوسری مرتبہ راہا کپور کی معصومیت قید ہوگئی جو سوشل میڈیا پر بے حد پسند کی جارہی ہے۔

خیال رہے کہ رنبیر کپور اور عالیہ بھٹ نے 14 اپریل 2022کو ایک گھریلو تقریب میں شادی کی تھی اور شادی کے سات ماہ بعد انکی بیٹی راہا کپور 2 نومبر 2022کو پیدا ہوئیں۔

بالی وڈ پر راج کرنے والی اس اسٹار جوڑی نے اپنی بیٹی کو میڈیا اسپاٹ لائٹ سے ایک سال سے زائد عرصہ دور رکھا اور راہا کپور کی شکل و صورت مداحوں پو آشکار نہیں ہونے دی۔

کرسمس کا تحفہ، عالیہ اور رنبیر نے 'راہا' کی 'منہ دکھائی' کردی

راہا کپور بالآخر منظرِ عام پر آگئیں

گزشتہ سال 25 دسمبر کو عیسائیوں کے تہوار 'کرسمس' کے موقع پر عالیہ بھٹ اور رنبیر کپور نے اپنے مداحوں کو ایک بڑا تحفہ دیتے ہوئے اپنی بھولی بھالی اور پیاری ننھی پری راہا کپور کی منہ دکھائی کی۔

راہا کی صورت دیکھنے کے بعد سے سوشل میڈیا پر بالی وڈ متوالوں کے درمیان یہ جنگ چھڑی ہوئی ہے کہ آیا راہا دادا رشی کپور سے ملتی ہیں یا پھر والدہ عالیہ بھٹ سے۔