’بگ باس‘ کے سیزن 17 کی تیسری وائلڈ کارڈ انٹری عائشہ خان نے اسٹینڈ اپ کامیڈین منور فاروقی کا تیسری گرل فرینڈ کے گھر رشتہ بھجوانے کا انکشاف بھی کردیا۔

گزشتہ روز بگ باس کی قسط میں عائشہ خان نے منور فاروقی کے مزید راز فاش کرتے ہوئے ان کے ایک اور لڑکی سے تعلقات کے متعلق بھی خاموشی توڑ دی۔

ایک روز قبل منور فاروقی نے نومینیشن ٹاسک میں عائشہ خان کو گھر سے نکالنے کے لیے نامزد کیا جس کے بعد عائشہ خان غصے میں آگئیں اور انہوں نے منور کے تمام راز کھولنے کی دھمکی دے ڈالی۔

عائشہ نے کہا کہ ’ میں تمھاری عزت بچائے بیٹھی تھی اور تمھاری معافی کو قبول کرتے ہوئے خاموش ہوگئی تھی لیکن مجھے پتہ چلا کے تم تو اس لائق ہی نہیں ہو کیونکہ تم اب ایسے محسوس کروا رہے ہو جیسے غلطی تم سے نہیں بلکہ مجھ سے ہوئی تھی‘۔

محبت کے جھوٹے وعدے، منور نے عائشہ سے معافی مانگ لی

بھارتی اسٹینڈ اپ کامیڈین اور ریپر منور فاروقی نے بگ باس 17 کی نئی وائلڈ کارڈ انٹری،...

انہوں نے کہا کہ ’ اب اگر اس ہفتے مجھے گھر سے باہر ہونا ہی ہے تو میں اس پورے ہفتے منور کا چہرہ بے نقاب کر کے جاؤنگی۔ یہ بتاؤنگی کہ جیسا یہ سب کو بن کر دکھاتا ہے یہ اصل میں ایسا ہرگز نہیں ہے یہ لڑکیوں کے جذبات سے کھیلتا ہے‘۔

عائشہ نے یہ انکشاف کیا کہ ’ یہ اتنا بڑا دھوکے باز آدمی ہے کہ یہ مجھے اور نازیلا کو تو ایک ہی وقت میں پاگل بنا ہی رہا تھا لیکن ساتھ ہی بگ باس میں آنے سے قبل ایک اور لڑکی کے گھر رشتے بھیج کر آیا ہے‘۔

انہوں نے بتایا کہ ’ جب میں اور نازیلا آپس میں ملے اور اس کے متعلق سچ کھولا تو اسی دوران اس لڑکی نے بھی ہم سے رابطہ کیا اور اس حقیقت پر سے پردہ ہٹایا‘۔

منوّر پر دھوکے بازی کا الزام، سابقہ گرل فرینڈ نے بھی خاموشی توڑ دی

منور فاروقی دھوکے باز؟ سابقہ گرل فرینڈ روتے ہوئے منظرِ عام پر آگئیں

انہوں نے بتایا کہ ’ وہ لڑکی بھی سوشل میڈیا انفلوئنسر ہے لیکن میں اس کا نام نہیں بتاؤں گی۔ منور کے خلاف میرے پاس ایک ایک ثبوت پڑا ہے جو میں باہر جاکر سب کو دکھاؤں گی‘۔

عائشہ خان نے بتایا کہ ’ اس آدمی نے ہم تینوں لڑکیوں سے صرف جھوٹ بولا اور افسوس اس بات کا ہے کہ اس نے بگ بس کے گھر میں بھی مجھے پاگل بنایا اور میں پھر سے اس کی باتوں میں آگئی‘۔

واضح رہے کہ عائشہ خان بگ باس میں منور فاروقی پر دھوکے کا الزام لگا کر ہی آئیں تھیں اور انہوں نے نیشنل ٹیلی ویژن پر ان سے معافی کا مطالبہ کیا تھا۔