عالمی شہرت یافتہ بھارتی اداکارہ اور فلم پروڈیوسر پریانکا چوپڑا اور نک جونس نے اپنی بیٹی مالتی میری کی دوسری سالگرہ پر ساحل کا رخ کرلیا۔

اداکارہ پریانکاچوپڑا نے مالتی میری کی سالگرہ کیلئے بیچ برتھ ڈے پارٹی کا اہتمام کیا جسکی جھلک انہوں سوشل میڈیا کی زینت بنادی۔

 فوٹو اینڈ ویڈیو شیئرنگ ایپ انسٹاگرام  پر اداکارہ نے چند تصاویر اورویڈیو  کلپ پر مشتمل پوسٹ جاری کی جس میں انہیں ساحل کنارے فیملی کے ہمراہ سیر و تفریح کرتے دیکھا جاسکتا ہے۔

انسٹاگرام پر جاری تصاویر میں مالتی کی دوسری سالگرہ پر یہ جوڑا برتھ ڈے گرل کے ہمراہ ساحل پر موجود ہے۔جس میں پرینکا اور نک کو ساحل کنارے  ہاتھ میں ہاتھ ڈالے ٹہلتے ہوئے دیکھا گیا۔جبکہ خاندان کے دیگر افراد کے ہمراہ اس جوڑے نے مالتی کے اہم دن کو مزید یادگار بنادیا تھا۔

پوسٹ کا اشتراک کرتے ہوئے پریانکا چوپڑا نے لکھا کہ،’برتھ ڈے ایٹ بیچ۔’

پوسٹ پر پسندیدگی کا اظہار کرتے ہوئے صارفین نے برتھ ڈے گرل مالتی میری کو سالگرہ کی مبارکباد دی۔

پریانکا چوپڑا نے بیٹی مالتی کے ہمراہ یادگار لمحہ شیئر کردیا

بالی وڈ اداکارہ پریانکا چوپڑا جیو مامی فلم فیسٹیول میں شرکت سے قبل بیٹی مالتی کے...

جبکہ کئی صارفین نے پریانکاچوپڑا کے فیملی کے ہمراہ قیمتی لمحات گزارنے کے عمل کو بھی خوب سراہا گیا۔

یاد رہےکہ 41 سالہ پریانکا چوپڑا اور 30 سالہ امریکی گلوکار نک جونس کی شادی دسمبر 2018 ء میں ہوئی تھی جبکہ جوڑے کے ہاں بیٹی کی پیدائش 15 جنوری 2022 ء کو سروگیسی کے ذریعے ہوئی تھی۔