پاکستانی ڈرامہ انڈسٹری کی سینئر اداکارہ صبا فیصل نے اپنے بیٹے کی شادی کا ذکر کرتے ہوئے شادی شدہ جوڑوں کو اہم مشورہ دے دیا۔

گزشتہ روز صبا فیصل ٹاک شو 'مذاق رات' میں دکھائی دیں جہاں انہوں نے اپنے بیٹے کی شادی کا ذکر کرتے ہوئے ازواجی زندگی کے کئی اہم پہلوؤں پر روشنی ڈالی۔

شو کے میزبان عمران اشرف نے صبا فیصل سے سوال کیا کہ شادی کے لیے لڑکا اور لڑکی دونوں میں کیا اہم بات ہونا بے حد ضروری ہے؟

صبا فیصل نے مشورہ دیتے ہوئے کہا کہ 'یہ ضروری نہیں کہ صرف لڑکی ہی لڑکے کی عزت کرے بلکہ لڑکے کے لیے بھی لڑکی کی عزت کرنا اتنا ہی اہم اور ضروری ہے۔ محبت ہمیشہ عزت کے بعد آتی ہے، پہلے عزت کی جائے پھر محبت کی بات کی جائے کیونکہ محبتیں عزت کے بعد ہی پروان چڑھتی ہیں۔'

صبا فیصل نے دیرپا اور کامیاب شادی کا راز بتادیا

اداکارہ کی شادی کو 40 سال گزر چکے ہیں

اس کے علاوہ انہوں نے شوبز شخصیات کے سوشل میڈیا پر چرچوں کے حوالے سے بھی اپنی رائے شئیر کی۔

انہوں نے کہا کہ 'پاکستان میں پہلے ہی مٹھی بھر ستارے ہیں اور قدرتی طور پر لوگ اپنے پسندیدہ ستاروں کے حوالے سے جاننے میں دلچسپی رکھتے ہیں۔ اس میں کوئی مضحکہ نہیں اگر لوگ ایسا کرتے ہیں کیونکہ وہ انہی کے بارے میں جاننے کی خواہش رکھتے ہیں جنہیں وہ پسند کرتے ہیں۔ '

صبا فیصل بہو میں کیا خوبی چاہتی تھیں؟

اداکارہ نے بہو کا انتخاب مشکل قرار دے دیا

واضح رہے کہ صبا فیصل سب سے زیادہ پسند کی جانے والی سینئر اداکاراؤں میں سے ایک ہیں۔ان کے مداح نہ صرف ان کی شاندار پرفارمنس کے لیے انہیں بے حد پسند کرتے ہیں بلکہ وہ ان کی نجی زندگی میں بھی دلچسپی رکھتے ہیں۔ وہ ایک اچھی ماں ہونے کے ساتھ ساتھ ایک اچھی ساس ہونے کا فریضہ بھی بخوبی سرانجام دے رہی ہیں۔