انفوٹینمنٹ

آرنلڈ شیوارزنیگر جرمنی میں گرفتار ؟

Web Desk

2 years ago

آرنلڈ شیوارزنیگر جرمنی میں گرفتار ؟

ہالی وڈ کے سینئر اداکار آرنلڈ شیوارزنیگر کو جرمنی کے ائیرپورٹ پر قیمتی گھڑی برآمد ہونے کے نتیجے میں حراست میں لے لیا گیا۔

غیر ملکی خبر رساں ادارے کے مطابق امریکی ریاست کیلیفورنیا کے سابق گورنر آرنلڈ شیوارزنیگر کو جرمنی کے میونخ ایئرپورٹ پر مبینہ ٹیکس چوری کے الزام میں حراست میں لیا گیا۔

رپورٹس کے مطابق میونخ ایئرپورٹ پر آرنلڈ شیوارزنیگر کے بیگ کی تلاشی لی جارہی تھی جس کے دوران ان کے بیگ سے ایک بے حد قیمتی سوئس گھڑی برآمد ہوئی۔

شیوارزنیگر کے بیگ سے برآمد ہونے والی سوئس گھڑی کی قیمت تقریباً 26 ہزار یورو بتائی جا رہی ہے۔

اداکار کی گرفتاری کی وجہ یہ قیمتی گھڑی نہیں بلکہ اس گھڑی کو اپنے اثاثوں میں ظاہر نہیں کرنا تھا اور اسی سبب انہیں تین گھنٹوں کیلئے حراست میں رکھا گیا۔

گھڑی کے متعلق وضاحت دیتے ہوئے آرنلڈ شیوارزنیگر نے کہا کہ 'وہ یہ گھڑی آسٹریا میں ماحولیات کے حوالے سے منعقد ہونے والی ایک تقریب میں عطیہ کرنا چاہتے ہیں'۔

اداکار کی جانب سے پیش کی گئی وضاحت کے باوجود میونخ ایئر پورٹ حکام نے ان پر 4 ہزار یورو ٹیکس سمیت 35 ہزار یورو کا جرمانہ عائد کیا۔

جرمانے کی رقم کی ادا کرنے کے لیے حکام نے اور انہیں کریڈٹ کارڈ استعمال کرنے کی اجازت دی جس کو ادا کرنے کے بعد انہیں ائیرپورٹ سے جانے کی اجازت دی گئی۔