بنگلا دیش پریمیئر لیگ کا چھٹا ایڈیشن اس وقت اپنی تمام تر رعنائیوں کے ساتھ جاری ہے مگر اس کے دوران شعیب ملک اپنی غلطیوں کی وجہ سے موضوعِ بحث بنے رہے ۔

ہوا کچھ یوں کہ فارچون باریشال کا کھلنا ٹائیگرز کے میچ کے دوران شعیب ملک نے اپنے ایک ہی اوور میں 3نو بالز کروا کر ایک منفرد ریکارڈ قائم کردیا. اسپنر ہونے کے باوجود ایک ہی اوور میں 3نو بالز کروانے پر جہاں صارفین نے خوب تبصرے کیے، وہیں یہ سوال بھی پوچھا جا رہا ہے کہ کیا یہ اسپاٹ فکسنگ تو نہیں؟

ثناء جاوید کو کیسے ہمسفر کی تلاش تھی؟

اداکارہ کا ہوشربا انکشاف

شعیب ملک گزشتہ کئی روز سے اپنی تیسری شادی کی وجہ سے سرخیوں کا حصہ بنے ہوئے ہیں لیکن اس میچ کے بعد صارفین کی توجہ ان کی شادی سے ہٹ کر اسپاٹ فکسنگ کی جانب مبذول ہوگئی ہے۔

سماجی رابطوں کی ویب سائٹس پر شعیب ملک کی نوبالز کی ویڈیو اور تصاویر خوب وائرل ہوئی تو صارفین نے جہاں ان کو تنقید کا نشانہ بنایا، وہیں کچھ صارفین ایسے بھی تھے جنہوں نے طنز ومزاح سے بھرپور تبصرے کیے ۔ ایک صارف نے تبصرہ کرتے ہوئے لکھا شعیب ملک نے خود کو خراج تحسین پیش کرتے ہوئے ایک ہی اوور میں 3نو بالز کروادیں۔

واضح رہے کہ باریشال کی ٹیم نے پہلے بیٹنگ کرتے ہوئے مقررہ 20 اوورز میں 4وکٹوں پر 187 رنز بنائے۔ مشفق الرحیم نے 39 گیندوں پر 68  رنز ناٹ آؤٹ بنائے۔ 188 رنز کا ہدف ٹائیگرز نے 2 وکٹوں پر حاصل کرلیا۔ ٹائیگرزکے انعام الحق اور ایون لیوس نے شاندار نصف سنچریاں اسکور کیں۔ اس جیت کے بعد، اب ٹائیگرز پوائنٹس ٹیبل میں سرفہرست آگئے ہیں۔