کھیل

فکسنگ کے الزامات، شعیب ملک کو بنگلادیش چھوڑنا پڑگیا

Web Desk

2 years ago

فکسنگ کے الزامات، شعیب ملک کو بنگلادیش چھوڑنا پڑگیا

پاکستان کے سابق کپتان شعیب ملک کے حوالے سے دعوے سامنے آرہے ہیں کہ انہیں بنگلادیش پریمیئر لیگ سے اسپاٹ فکسنگ کے الزامات کے باعث باہر کردیا گیا ہے۔

شعیب ملک بی پی ایل میں فارچیون باریشال کا حصہ تھے، میچ میں یکے بعد دیگرے تین نو بالز کرانے پر مبینہ طور پر میچ فکسنگ میں ملوث ہونے کے شبہات میں انکا کانٹریکٹ ختم کردیا گیا ہے۔

بنگلہ دیش میڈیا کی رپورٹس کے مطابق بنگلہ دیش پریمیئر لیگ (بی پی ایل) میں کھلنا ٹائیگرز کے خلاف میچ کے دوران شعیب ملک کی جانب سے ایک اوور میں تین نو بال کرنے کے بعد میچ فکسنگ کے شبہات پیدا ہوئے۔

شعیب ملک نے میچ میں صرف ایک اوور کروایا اور دو چوکے اور ایک چھکے کیساتھ کُل 18 رنز دیے، اس میچ میں فارچون باریشال کو 8 وکٹوں سے شکست کا سامنا کرنا پڑا۔

اس خبر کے سامنے آنے سے پہلے شعیب ملک نے ذاتی وجوہات کی بنا پر بنگلادیش چھوڑ کر دبئی جانے کا فیصلہ کیا تھا جسکا فارچیون باریشال نے باضابطہ طور پر اعلان کیا تھا۔

اب اطلاعات کے مطابق فارچیون باریشال کے مالک نے اچانک اپنا معاہدہ ختم کرنے کا فیصلہ کیا ہے۔

فارچیون باریشال نے بقیہ ٹورنامنٹ کے لیے احمد شہزاد کو متبادل کے طور پر شامل کرنے کا اعلان کیا ہے۔