منکی پاکس ایک جان لیوا مرض ہے۔ پاکستان میں اب تک منکی پاکس کے 2 کیسز سامنے آچکے ہیں۔

منکی پاکس کی علامات کیا ہیں ؟ 

اس جان لیوا مرض منکی پاکس کی  علامات میں سے ابتدائی علامت بخار، سر درد ،جسم میں سوجن، کمر درد پٹھوں میں درد اور کسی بھی چیز کا دل نا چاہنا شامل ہیں ۔

بخار کے بعد جسم پر دانے نکل سکتے ہیں جو اکثر چہرے سے شروع ہوکر ھتیلیوں اور پاوں کے تلوے تک پھیل جاتے ہیں۔

یہ دانے انتہائی تکلیف دہ ہوسکتے ہیں۔بعد ،میں یہ دانے سوکھ کرگر جاتے ہیں جو کہ نشان چھوڑ جاتے ہیں۔

منکی پاکس  کیسے پھیلتا ہے؟

1۔ متاثرہ شخص کے ساتھ قریبی رابطے میں رہنا۔

2۔ ٹوٹی اور پھٹی ہوئی جلد کا وائرس سے سامنا۔

3۔ جنسی تعلق کے زریعے۔

4۔ سانس کی نالی، آنکھ، ناک یا منہ کے زریعے۔

5۔ جانورں کا شکار کرتے ہوئے۔

6۔وائرس سے آلودہ اشیا، جیسے بستر ،کپڑے، سوئیاں وغیرہ کے زریعے۔

منکی پاکس کا دورانیہ کتنا ہے؟

منکی پاکس کا دورانیہ 14 سے 21 دنوں تک رہتا ہے۔

حکومت پاکستان کا منکی پاکس کی ویکسین حاصل کرنے کا فیصلہ 

 حکومت پاکستان نے عالمی ادارہ صحت (ڈبلیو ایچ او) سے منکی پاکس کی ویکسین حاصل کرنے کا فیصلہ کرلیا ہے ۔

قومی ادارہ صحت کے حکام کے مطابق ملک میں منکی پاکس پھیلنے کے خدشات کے پیش نظر عالمی ادارہ صحت سے تکنیکی معاونت طلب کرلی گئی ہے جب کہ ڈبلیو ایچ او سے منکی پاکس کی ویکسین بھی حاصل کرنے کا فیصلہ کیا گیا ہے۔

 تا ہم حکام نے کہا کہ ڈبلیو ایچ او سے حفاظتی سامان لیا جائے گا اور فرنٹ لائن ہیلتھ کیئر ورکرزکو ویکسین لگائی جائےگی۔