نجی ٹی وی چینل کے معروف اینکر کاشف عباسی کا پروگرام وقت ختم ہونے سے پہلے اچانک آف ایئر کیے جانے کی اطلاعات ہیں۔

کاشف عباسی شب 8 سے 9 بجے کے درمیان 'آف دی ریکارڈ' کے نام سے حالات حاضرہ کے پروگرام کی میزبانی کرتے ہیں جسے سوشل میڈیا صارفین کے مطابق گزشتہ روز اچانک 8:42 پر آف ایئر کردیا گیا۔

اینکر اشفاق ستی کا بیوی پر وحشیانہ تشدد

اینکر پرسن اشفاق ستی کی اہلیہ نومائکا اشفاق نے شوہر کی جانب سے کیے جانے والے...

مائیکرو بلاگنگ ویب سائٹ 'ایکس پر متعدد صارفین نے پروگرام آف ایئر کیے جانے کی اطلاع دی اور بتایا کہ 8:42 کے وقت پروگرام کی جگہ اچانک اشتہار چلنا شروع ہوئے اور پروگرام واپس نہیں آیا۔

خیال رہے کہ پاک فوج کے شعبہ تعلقات عامہ کے ڈائریکٹر جنرل احمد شریف نے گزشتہ روز ایک نیوز کانفرنس سے خطاب کیا تھا جس میں 9 مئی کو پیش آئے واقعات کے تناظر میں پاکستان تحریک انصاف اور اس کی قیادت کو تنقید کا نشانہ بنایا تھا۔

پروگرام کے آغاز میں اینکر کاشف عباسی نے ڈی جی آئی ایس پی آر کی مذکورہ پریس کانفرنس پر اپنا نقطہ نظر بیان کیا تھا۔

خبریں پڑھتے ہوئے اینکر بے ہوش، وجہ کیا؟

دورانِ نیوز بلیٹن اینکر کو کیا ہوا؟

اس کے ساتھ وہ پروگرام میں مسلم لیگ (ن) کے رہنما جاوید لطیف اور معروف قانون دان سلمان اکرم راجا سے ترجمان پاک فوج کی پریس کانفرنس پر گفتگو کررہے تھے کہ اچانک بغیر کسی اعلان کے پروگرام کو ختم کردیا گیا۔

یوٹیوب پر اپلوڈ کی گئی پروگرام کی ریکارڈنگ میں بھی دیکھا جاسکتا ہے کہ 8 مئی کو نشر ہونے والا پروگرام اچانک اختتام پذیر ہوگیا تھا۔

تاہم نجی ٹی وی چینل یا پروگرام اینکر کی جانب سے اس بارے میں کوئی بیان جاری نہیں کیا گیا نہ اس کی وجہ بتائی گئی۔

البتہ تحریک انصاف کے ہمدردوں کی جانب سے اس کی وجہ ڈی جی آئی ایس پی آر کی پریس کانفرنس پر تنقید کو قرار دیا گیا۔