مسلم لیگ ن کی نامزد امیدوار مریم نواز نے بھاری اکثریت سے پاکستان کی پہلی خاتون وزیر اعلیٰ منتخب ہو کر تاریخ رقم کردی۔

مریم نواز صرف سیاست ہی نہیں بلکہ فیشن کی دنیا میں بھی کافی مشہور ہیں اور وہ اپنے ملبوسات اور دلکش لُکس کے سبب خبروں کی زینت بنتی رہتی ہیں۔

مریم نواز کے فیشن سینس کے ہمیشہ ہی چرچے ہوتے ہیں ، بیٹے جنید صفدر کی شادی ہو یا سیاسی جلسے مریم نواز فیشن کے جدید اور خوبصورت انداز ضرور اپناتی ہیں۔

مریم کے شاندار لُکس کو ریٹ کرنا ایک مشکل کام ہے لیکن ان کے بے شمار حسین لُکس میں سے وہ پانچ پیشِ خدمت ہیں جو سوشل میڈیا پر خوب وائرل ہوئے۔

1۔ بیٹے جنید صفدر کی شادی میں پہنا گیا لباس:

جنید صفدر کی شادی پر مریم نواز نے زیادہ تر ملبوسات پاکستانی ڈیزائنرز کے بنائے ہوئے پہنے تاہم ایک جوڑا ایسا بھی تھا جو انڈین ڈیزائنر ابھینو مشرا نے تیار کیا۔

جنید صفدر کی مہندی پر مریم نواز نے آسمانی لہنگا چولی زیب تن کیا اور بیٹے کی شادی کی تمام لائم لائٹ چرا بیٹھیں۔

2۔ گلگت بلتستان کے جلسے میں لیا گیا حلیمہ سلطان لُک:

مریم نواز الیکشن میں فتح حاصل کرنے کے نت نئے انداز اپناتی نظر آتی رہی ہیں اور ایسا ہی کچھ انہوں نے سال 2020 میں گلگت بلتستان میں منعقد جلسے کے دوران کیا۔

مریم نواز نے الیکشن کی مہم کے دوران گلگت بلتستان کا ثقافتی لُک لیتے ہوئے نیلا لباس زیب تن کیا اور لُک کو مکمل کرتے ہوئے سر پر وہاں کی خاص ماتھا پٹی بھی پہنی۔

اگرچہ مریم نواز کا یہ لُک گلگت بلتستان کی خواتین کا عام لُک تھا لیکن سوشل میڈیا پر انہیں ترک ڈرامے ’ارظغرل غازی‘ کی حلیمہ سلطان سے ملایا گیا۔

3۔ ایمرلڈ گرین لباس:

مریم نواز کے ملبوسات کے انتخاب کو دیکھ کر یہ اندازہ لگانا مشکل نہیں کہ انہیں سبز رنگ کس قدر پسند ہے کیونکہ وہ اکثر و بیشتر سبز کے مخلتف شیڈز پہنی نظر آتی ہیں۔

مریم نواز نے وزیراعلیٰ پنجاب منتخب ہو کر تاریخ رقم کردی

مسلم لیگ ن کی نامزد امیدوار مریم نواز نے بھاری اکثریت سے پاکستان کی پہلی خاتون...

مریم نواز سب سے زیادہ ایمرلڈ گرین رنگ کی شیدائی معلوم ہوتی ہیں اور یہ رنگ ان پر جچتا بھی بہت ہے۔

سال 2020 میں ہونے والی آل پارٹیز کانفرنس (اے پی سی) میں مریم نواز نے ایمرلڈ گرین جوڑا ہی زیب تن کیا جس کے ساتھ انہوں نے میچنگ جوتے بھی پہنے۔

جہاں سوشل میڈیا پر ان کا لک فیشن کے متوالوں کو بے حد پسند آیا وہیں انکے مشہور انٹرنیشنل برانڈ ’منولو بلہینک‘ کےسبز جوتے اپنی قیمت کی وجہ سے سوشل میڈیا پر موضوع بحث بن گئے ہیں۔

انہوں نے اپنے 26 فروری 2024 کو پہلی خاتون وزیرِ اعلیٰ بننے کے خاص دن پر بھی اسی رنگ کا انتخاب کرتے ہوئے دلکش شلوار قمیص زیب تن کی۔

4۔کشمیر ریلی میں پہنا گیا سرخ جوڑا:

اگرچہ سرخ رنگ جوان لڑکیوں کا رنگ کہلاتا ہے اور 40 کی عمر کو پار کرجانے والی خواتین اکثر اس رنگ سے دور بھاگتی نظر آتی ہیں لیکن مریم نواز نے یہ کمال بھی کر دکھایا۔

جنید صفدر کی طلاق کی ذمہ دار مریم نواز؟

جنید صفدر کی طلاق کے بعد سے یہ افواہیں گردش کر رہی ہیں کہ مسلم لیگ ن کی رہنما مریم...

سال 2021 میں مریم نواز نے الیکشن کیمپین کے دوران کشمیر ریلی میں  سرخ شلوار قمیص زیب تن کیا جو ان کے حسن میں چار چاند لگاتا معلوم ہو رہا تھا۔

مریم نواز نے اس لُک کو مزید دلکش بناتے ہوئے ہاتھ سے تیار کردہ ہار پہنا جبکہ لباس سے میچنگ انٹرنیشنل برانڈ ’گوچی’ کے جوتے پہنے۔

5۔ ایئر پورٹ لُک:

مریم نواز نہ صرف جلسوں اور شادیوں میں اپنے ملبوسات کا خاص خیال رکھتی ہیں بلکہ ان کے ایئرپورٹ لُکس بھی کسی سے کم نہیں۔

جنید صفدر کی سابقہ اہلیہ عائشہ کون؟

 مریم نواز کی سابقہ بہو عائشہ سیف پاکستان کی طاقتور و مشہور شخصیت کی بیٹی...

سال 2022 میں مریم نواز کی ایئرپورٹ کے ویٹنگ ایریا میں بیٹھے ہوئے تصاویر وائرل ہوئیں جس میں نظر آنے والا ان کا لُک بے حد پسند کیا گیا۔

انہوں نے وائٹ اور کریمی شلوار قمیص پہن رکھی تھی جس کے ساتھ شیفون کا دوپٹہ اپنے مخصوص انداز میں سر پر اوڑھ رکھا تھا جبکہ گوچی کی مہنگی ترین سفید سینڈلز پہن کر اپنے لُک کو مزید دلکش بنا رکھا تھا۔